الرئيس السيسي عن تأهل مصر للمونديال: مفيش حاجة من غير إصرار.. فيديو

ووجه محمود، بطل رياضي من ذوي الاحتياجات الخاصة، سؤالا إلى الرئيس عبدالفتاح السيسي حول مستقبل الكرة المصرية، قائلا: «إيه رسالة حضرتك للكرة المصرية عشان توصلنا كأس العالم».

وقال الرئيس السيسي خلال حفل قادرون باختلاف: «مفيش حاجة تقدر تتحق من غير جهد وإصرار، أسركم مثال بالنسبة لنا، أسركم قالوا هنبذل جهد، الكرة مش لعبة، الدنيا كلها بتحب تتفوق فيها، هل إحنا معندناش شباب وإحنا عندنا 105 مليون منهم 60% شباب، لا عندنا لكن المهم نشوفهم ثم ندربهم ونصر عليهم، والجزء الآخر إن يعرف اللاعب أن الرحلة طويلة تتطلب جهد كبير داخل وخارج الملعب. المسألة مش فقط مدربين كويسين وملاعب كويسة، الموضوع على بعهض متكامل بين الدولة والأسرة اللي عندها ابناء لديهم فرصة.. لو قدرنا نعمل كده وفعلا الولاد والبنات اللي قدروا يلعبوا اللعبة دي هنقدر نوصل ونحقق حاجات كتير».

ومازح الرئيس السيسي، محمود حول أمنيته في اللعب بالنادي الأهلي قائلا «مدخلنيش مع الخطيب والأهلي يا محمود».

وناشد محمود، الرئيس عبدالفتاح السيسي، الالتحاق بكلية التريبة الرياضية أو الإعلام.

وقال محمود خلال احتفالية قادرون باختلاف بحضور الرئيس السيسي «أنا بطل رياضي وكلية تربية رياضية وإعلام مش بيقبلوني»، ليرد الرئيس السيسي مازحا «لا ميرضينش هنحاسب الإعلام والتربية الرياضية».

وتابع الرئيس السيسي «الدولة لا تعتمد في إدارتها على الأماني والنصح، الدولة تدير أمورها من خلال قوانين ونظم تنظم كل شئ، فيه في في الدستور والقانون تحصين للقادرون باختلاف، ونسبة معينة من اللي المفروض يشتغلوا في الدولة مش بس القطاع الحكومي لا القطاع الخاص».

ووجه الرئيس السيسي، رسالة إلى محمود قائلا «متتألمش من الموضوع ده هنشوف وزير التعليم العالي».

الرئيس السيسي: دايما بفكر في يوم القيامة ولقاء ربنا

الرئيس السيسي: الجيش والشرطة دفعوا ثمنا كبيرا.. ولن ننسى الشهداء.. فيديو