الرئيس السيسي: دايما بفكر في يوم القيامة ولقاء ربنا

أكد الرئيس عبدالفتاح السيسي، أنه دائم التفكير في يوم القيامة، قائلا: «دايما بفكر في الدنيا التانية، يوم القيامة ولقاء ربنا، بقول لكل اللي بيسمعني في اليوم ده، إحنا اللي هنقول يارب إحنا لينا مكان معاكم -ذوي الاحتاجات- فلو قولتوا أه هنيجي ولو قولتوا لا هيكون موقفنا صعب أوي».

وأضاف الرئيس السيسي ردا على سؤال تاليا طفلة من ذوي الاحتياجات خلال حفل قادرون باختلاف، حول الوقت الذي يقضيه مع أحفاده قائلا «يوم الجمعة بعد الصلاة بتغدى معاهم في الغالب وبيكون فيه فرصة أشوفهم وأتكلم معاهم».

وأضاف «الخوف على مصر دائما، لكن في الفترة من 2011 وفي 2012 حتى 2014 حينما حدثت موجة الإرهاب وتفجير الكنائس، كان حد يشوف مصر يقول خلاص، بنفتكر الذكريات دي عشان نخلي بالنا، فيه شباب من مصر من الجيش والشرطة والقضاء ومن كل حتة دفعوا ثمن كبير أوي عشان البلد تكون بالسلام ده، بقول للناس حافظوا على اللي ربنا وقف معانا فيه، فيه 3 آلاف شهيد و13 ألف مصاب، ده التمن اللي ادفع مش بنتكلم في فلوس ولا تخريب بنتكلم في ناس غالية علينا بنوجه ليهم التحية والسلام في اليوم ده، بنقول لأسرهم والله ما نسينا ولا هننسى».

الرئيس السيسي: الجيش والشرطة دفعوا ثمن كبير.. ولن ننسى الشهداء.. فيديو

الرئيس السيسي: بكيت على مصر في 2011.. وربنا حمى البلد