انتقد الإعلامي أحمد شوبير، عضو اتحاد الكرة السابق، موقف نادي الزمالك في عدم دفع رسوم تسجيل لاعبيه المحترفين في كرة السلة والطائرة.
وقال شوبير في تصريحات إذاعية:” الزمالك جايب اتنين لعيبه أجانب واحد في فريق الباسكت والثاني في فريق الطايرة ، الزمالك جايب اللعيب بتاع الباسكت ده لوحده بنصف مليون دولار”.

وأضاف:” في رسوم لـ الاتحادات لازم تدفعها عشان تسجل اللاعب، إتحاد السلة لما الزمالك راح يسجله ، قاله يا فندم ادفع الرسوم ، قالهم لا مش هدفع ، قاله مش هتسجل ، قالهم لا هسجل ، قالولوا طب شوف اللي هيسجلك”.

وتابع:” اتحاد الطايرة ناس ذوق ذوق قالوله طب اعملنا شيك كده عشان التسجيل والشيك ده حين ميسرة ، فأنا مش فاهم يعني ايه تكون دافع في لاعب باسكت نصف مليون دولار ومش عايز تدفع رسوم التسجيل”.
وأتم:” لا والزمالك بيقول هوقف النشاط لو اللعيبه متسجلتش ، طب يا سيدي وقف ، انت حر ، انت دافع نصف مليون دولار في لاعب باسكت ، اعتبر انك جبته ب 550 ألف دولار وادفع الرسوم”.







