الرئيس السيسي يعلق على برامج الطبخ: إحنا مستنيين حد يعلمنا ناكل

أكد الرئيس عبد الفتاح السيسي، أهمية تناول البرامج التلفزيونية للتخصصات الدراسية الجديدة.

وقال الرئيس السيسي خلال حفل إطلاق منصة مصر الرقمية «فيه برنامج اسمه العباقرة، استطاع خلال سنوات قليلة إلقاء الضوء على أمور مهمة، قولت قبل كده لقيت كل القنوات جايبة مطابخ، حد يعملي برنامج بيتكلم عن التخصصات الجديدة، أنتوا بتتكلموا عن الأكل، هو إحنا مستنيين حد يعلمنا ناكل، أنا مش ضد البرامج دي عشان محدش يفهمني غلط، لكن نعرض ده وده».

واستطرد «إحنا معندناش ثروات، بقولكم عشان محدش يتوهم، خلال الترشح تحدثت مع شيخ البحث والتنقيب وقتها، عندنا رمل ورخام وحجر جيري، إذا أمامنا أن نعمل ونطور الأفكار، إحنا عدد سكانا كبير، وطلب تحسين الدخول».

كما تحدث الرئيس السيسي على دعم الأسر لأبنائهم خلال امتحانات الثانوية العامة قائلا «غالبية المصريين بيعملوا جمعيات عشان الدروس الخصوصية»، ممازحا الدكتور مصطفى مدبولي، رئيس مجلس الوزراء «مش كده يا دكتور مصطفى».

وأضاف «طريق بناء الدولة صبر وعمل وتضحيات، اللي بيتعمل في مصر أمر غير مسبوق، ومعمول بالله، ليا الشرف والعزة وكل الرضا على دعم ربنا أن أنا أقدر أعمل الكلام ده، أوعوا تفتكروا إن أنا بزايد على الله، أنا الوحيد اللي شايف اللي بيتعمل وبيتعمل إزاي، البلد دي حماها ربنا وهيحميها ويساعدنا في بناها وتبقى في مستوى تاني، بكرا تشوفوا ده بيتحقق».

كما مازح الرئيس السيسي وزير المالية خلال حديثه عن المشروعات «مش أنت بتاع الفلوس».

الرئيس السيسي يعلن إطلاق منصة مصر الرقمية

الرئيس السيسي يشهد افتتاح مدرسة التكنولوجيا التطبيقية في مدينة نصر والشيخ زايد