بطلا إنقاذ أسرة الغربية: عايزين نوصل للعائلة عشان نطمن عليهم.. فيديو

كشف كل من رجب عبدالحميد، وأحمد البنا، بطلا إنقاذ الأسرة، تفاصيل جديدة عن حياتهما بعد الواقعة، مؤكدين أنهما حظيا بمحبة كبيرة من المواطنين في مختلف المحافظات، بينما عبّرا عن أملهما في الوصول إلى الأسرة التي أنقذاها، للاطمئنان فقط على الطفلة الرضيعة التي كانت برفقتهم وقت الحادث.

وقال رجب عبدالحميد، بطل واقعة إنقاذ أسرة بالغربية خلال لقائه مع الإعلامية نهال طايل في برنامج 'تفاصيل' المذاع على قناة 'صدى البلد2': 'أحمد اللي صحاني النهاردة الصبح من النوم، وقالي يلا عشان نجهز ونروح صدى البلد، وحتى النهاردة قلتله يا أحمد إحنا كدة يعني إيه، نشوف بقى شغلنا ونشوف أكل عيشنا وخلاص يعني من بكرة وننزل نشوف أكل عيشنا'.

ومن جانبه، قال أحمد البنا، بطل إنقاذ أسرة بالغربية: 'أنا في بلدي معروف أكتر، وفي البلاد اللي حوالينا معروف، إنما الناس اللي برة يعني ليا الشرف إني اتعرفت عليهم وهما عرفوني'.

وأوضح أحمد البنا أن الأسرة التي تم إنقاذها لم تتواصل معهما حتى الآن: 'محدش كلمنا، وإحنا عايزين نوصلهم ونطمن عليهم وعلى الطفلة'.