بعد 5 سنوات.. شهيرة تعتذر من سيدة عنفتها والسبب مرض زوجها

قدمت الفنانة شهيرة اعتذارًا لسيدة بعد 5 سنوات من تعنيفها، وكشفت تفاصيل الموقف الذي جمعهما.

كتبت الفنانة شهيرة في منشور عبر حسابها الرسمي بموقع فيس بوك: «مش عارفة أبتدي إزاي بس من أكتر من خمس سنوات تواصلت مع سيدة جميلة تغزل ملايات سرير بأناقة ورقة».

شهيرة تعتذر من سيدة

وأضافت: «وكنت طلبت منها شئ أو إضافة معينة للملاية وكانت السيدة من الإسكندرية لما وصلتني الملاية تكلمت معها بعنف وإن مش هو ده الشئ اللي طلبته بعد كدة اكتشفت إن الملاية بكل مكوناتها في منتهي الجمال والجودة».

واستكملت شهيرة: «ولكني وقتها كنت في أعلي درجات التوتر بسبب شدة مرض زوجي في هذه الأيام والملاية برغم مرور السنين مازالت محتفظة برونقها.. أنا بكتب ده عشان عايزة أعتذر لها على ما بدر مني وقتها من سوء فهم نظرًا للظروف الصعبة والقاسية».

شهيرة

تصريحات شهيرة

واختتمت الفنانة: «عرضت جزء من الملاية عشان لو تصادف وشفتها السيدة الجميلة تسامحني وتعذرني.. يارب يارب تشوف البوست وصورة ملايتها اللي طبعًا مش بجمال الحقيقة.. بعتذر لها تاني ولو شافت البوست تتصل بيا أرجوها مع تحياتي للأسف معنديش أي وسيله اتصال».

شهيرة