بيومي فؤاد: اعتذرت عن 6 أفلام وفي رمضان أشارك بعملين ولسه مقدمتش اللي عندي

كشف الفنان بيومي فؤاد كواليس ترشيح ابنته لدخول مجال التمثيل، وتحدث عن التغيرات التي طرأت على شكل السينما، بالإضافة إلى الأعمال الجديدة التي سيشارك بها الفترة المقبلة.

قال بيومي فؤاد عبر تصريحات تلفزيونية: «شكل السينما بيتغير علشان كل فترة بيطلع نجوم جداد».

وتابع: «أنا لا أتصدر الفيلم كما يُقال لكن بقدم دور "الجراند" موجود علشان بلعب الدور التاني أو التالت أو ضيف الشرف في الفيلم، فالأدوار دي دايمًا موجودة مش بتختفي».

وعن أعماله الجديدة، قال: «أشارك في فيلم شمس الزناتي 2 وأقدم من خلاله شخصية مصطفى النحاس وعندما أقدم شخصية حقيقية أحرص على تقديمها بالشكل الأنسب لها، وأبتعد عن إطار الكوميديا حتى تكون الشخصية أقرب إلى طبيعتها.. وفي رمضان الجاي مع مي عمر وفي مسلسل نيللي وشريهان.. وقابلت طارق العريان قولتله 3 أجزاء من ولاد رزق أنا فين».

واستكمل بيومي فؤاد: «وأكتر واحد بيضحكني من النجوم الجدد مصطفى غريب وبتعلم من ميشيل ميلاد وحاتم صلاح والفترة اللي فاتت اعتذرت عن 6 أفلام ولسه مقدمتش كل اللي عندي».

وفيما يخص دخول ابنته مجال التمثيل، علق بيومي فؤاد: «رشحت بنتي في فيلم شيش دو وقولت للمخرج لو شاطرة عادي مشيها وأنا من جيل أحمد مالك وممكن يكون هو أقدم مني».