تامر حسني يدعم عزيز الشافعي بعد الهجوم عليه: مايستاهلش الحرب ولا الكلام الجارح

حرص الفنان تامر حسني على دعم الملحن عزيز الشافعي، بعد تعرضه لانتقادات وهجوم بسبب أغنية بحرية لمحمد حماقي وشيرين عبدالوهاب.

وكتب تامر حسني عبر خاصية الستوري التابعة لحسابه الرسمي بموقع انستجرام: "كلمتين في حق الملحن عزيز الشافعي.. أولاً الأغاني اللي في الفيديو دي ألحان عزيز ليا وأعتقد كلها عجبتكم وعمل زي النجاحات دي وأكثر مع فنانين كبار غيري".

وتابع: "من حبنا في الجمهور بنحب دايمًا ندورلهم على جديد ومنكررش نفسنا على قد ما بنقدر.. ساعات الجديد ده بقى حتى لو ليا أنا شخصيًا ساعات يعجبكم وساعات مبيوصلش.. بس الحقيقة بكون تعبت فيه برضو".

واستكمل تامر حسني: "عزيز الشافعي فنان كبير ميستاهلش كل الحرب دي ولا الأحكام السريعة دي وكمان ليه كل الكلام الجارح ده .. الراجل ده كل حياته نجاحات عظيمة، ليه فجأة نعمل فيه كده؟.. بحبك يا عزيز وفي ضهرك يا صاحبي".