تأثر حسام حبيب بعد الحديث عن وفاة جدته: «كانت زي أمي وأكتر»

تحدث الفنان حسام حبيب، عن الصعوبات التي مر بها في حياته بعد انفصال والده عن والدته وهو في سن الـ 14 عامًا، مؤكدًا على أنه أصبح رجل المنزل وهو في هذا السن الصغير.

وأشار حسام حبيب في تصريحات تليفزيونية قائلاً: «أنا تحملت المسؤلية وأنا عندي 14 سنة، وكنت أيضًا دلوعة أمي، أنا بحب ماما اوي، ربنا يديها الصحة وطولة العمر، وطول الوقت بفكر وبقول لربنا لأ أنا مش هستحمل والدتي يحصلها حاجة وعايز أنا أكون قبلها، وأنا راضي برضه، واعتقد إن الدعاء بيغير القدر بس الدعاء بطريقة ايجابية».

وكشف حسام حبيب عن تأثره بوفاة جدته - والدة أمه، قائلاً: «كانت بالنسبة لي زاي أمي وأكتر، كنت مرتبط بيها جدًا، ولكن قبل وفاتها بسنتين، ماروحتلهاش خالص؛ لأن في عقلي الباطن كنت بجهز نفسي ليوم الفراق ده، حتى يوم وفاتها كلهم شافوها، لكن أنا مقدرتش أبدًا، وساعة الدفنة وقفت بعربيتي بعيد جدًا».

وأضاف حسم حبيب قائلاً: «وفاجئة وأنا نازل من العربية من الزهق والعياط، لاقيت ولاد خالتي أحفادها بيندهولي: حسام،، حسام، تعالى عشان تشيل جدتك، واعتقد إني كان لديها اتنين من أحفادها المفضلين، أنا وباسل ابن خالي  اللي كان عايش معاها حتى وفاتها، وبالفعل أنا اللي شلتها ونزلت القبر، دي حاجة مكنتش متخيل إني اعملها».