مديحة حمدي تكشف كواليس اكتشاف منى زكي وأصعب درس في حياتها

كشفت الفنانة مديحة حمدي كواليس اكتشافها الفنانة منى زكي، وتحدثت عن أصعب درس في حياتها.

قالت مديحة حمدي في لقائها مع الإعلامية نهال طايل ببرنامج تفاصيل، المذاع على قناة صدى البلد 2: «منى زكي كنا بنشتغل مع الـ ART».

كواليس اكتشاف مديحة حمدي لمنى زكي

وتابعت: «كنت بشتغل مع الأستاذ هاني لاشين، وهي جت سلمت على أستاذ هاني بنت لذيذة صغننة ودخلت..

فكنت بنتج سباعية تبع الـ ART.. وقولت لمدام رباب حسين عليها ومن هنا بقى بدأت الحكاية».

واستكملت حديثها عن مميزات منى زكي: «مصرية.. منيون كده.. لذيذة.. بسيطة».

 أصعب درس في حياة مديحة حمدي

وتحدثت عن أصعب درس في حياتها، قائلة: «القدر كان دايمًا معايا وأما بدأت في 'لا تطفئ الشمس' وعُرض في رمضان، والحمدلله يعني القبول جه من هنا».

واستكملت مديحة حمدي: «لما حسيت إني نجمة أدبني ربي، لأنه كسرني في الوقت ده.. في المنصورة اختاروني الأم المثالية وجامعة المنصورة هتكّرمني في الوقت ده.. رُحت.. واقفين بقى البنات والولاد وعاملين لي أغنية، وأنا ماشية بقى وورايا الباك جراوند شيء يفرح يعني، واللي كان مرشحني الدكتور عمرو الليثي».

وتابعت: «وفي الطابور التشريفة رُحت واقعة على الأرض، انبطحت بطحة زي يكون ربنا بيقولي: إنتي رافعة راسك قوي ده أقل حاجة كده فيكي.. ويقولك الـ 3 غين مش حلوين الغرور والغيبة وكنت مكسوفة أما وقعت».