حسن الرداد يكشف سبب طلب إيمي سمير غانم الطلاق.. ماذا حدث في شهر العسل؟

تحدث الفنان حسن الرداد عن كواليس قضاء شهر العسل بينه وبين زوجته الفنانة إيمي سمير غانم، وسر طلبها الطلاق منه.

قال حسن الرداد في تصريحات تلفزيونية له، عن سبب استمرارية ونجاح الزواج: «أعتقد أن عقل الرجل في أوقات كتير بيكون السبب لأن الست أسهل كلمة عندها خصوصًا في سنوات الزواج الأولى طلقني».

حسن الرداد وإيمي سمير غانم

وأضاف: «أقسم بالله وإحنا لسه في الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك وأفضل أقول الطيارة هتقع».

واستكمل حسن الرداد حديثه عن سبب طلب إيمي سمير غانم الطلاق منه في شهر العسل، قائلًا: «لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك».

ايمي سمير غانم وحسن الرداد

تصريحات حسن الرداد

وتابع: «في بداية الجواز البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال، أول سنين جواز من وجهة نظري وتجربتي بيبقوا صعبين أوي عشان تفهموا طباع بعض».

واختتم الفنان حسن الرداد: «وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل».

حسن الرداد وإيمي سمير غانم