دعاء فاروق تهاجم صناع مسلسل أزمة منتصف العمر

هاجمت الإعلامية دعاء فاروق، صناع مسلسل أزمة منتصف العمر، وتحدثت عنه قائلة: «مستنقع منتصف النيلة» بدلا من «أزمة منتصف العمر».

وكتبت دعاء فاروق، عبر حسابه الشخصي على موقع التواصل الإجتماعي «فيسبوك»: «طيب يا جماعة حد مستني النهاية في سواد منتصف النيلة المستنقع اللي بنتابعه.. انا بالنسبة لي وبالاصألة عن نفسي كده جاب الناهية خلاص ... فاضل تلات حلقات أو حتي عشرة دى كلها شكليات، المسلسل خلص والستاير السودا نزلت، موتتوا بصيص الفرحة الوحيد وقتلتوا سرسوب أي أمل كنا مستنيينه يظهر».

وتابعت دعاء فاروق: «حد يفكرني كده.. هو كريم فهمي كان زعلان إن الناس متضايقة من الأحداث الكحلي اللي بتحصل وبيقول علينا لمؤاخدة لجان !!! ألا هو انت يا كريم كنت عاوزنا نتابع المسلسل ونفرح ؟؟؟ هل كنت مستني الناس تتبسط بالاحداث مثلا ؟؟؟ لا بص يا كريم غالبا حصل عندك لبس في الموضوع.. انت المفروض تتبسط اننا بنتابع.. وتفرح اننا بنتفرج وكفي.. وده قمة النجاح اللي يلزم أبطال العمل إن المسلسل متشاف وشكرا.. تمثيلكم كلكم رائع وشكرا.. ومحدش قال انكم مش بتمثلوا هايل كلكم بتلعبوا في الاهلي يا سيدى.. وبعد الحلقة 12 اللي بليتونا بيها انت وريهام ورنا رئيس ورشدى المهدى وعمر السعيد تقدروا تحترفوا في ليفربوول بجدارة.. إنما مفهمتش هل انت كنت عاوز الناس تشكر في الأفعال غير المبررة اللي بتعملها الشخصيات الحزينة دى ؟؟؟ منين جبتوا الثقة دى مفهمتش حتي لو موجودة في الدنيا.. حد قالك أن احنا بنسقف لهم ؟؟!».

واستكملت دعاء فاروق: «ما احنا عارفين والله العظيم أن المجتمع فيه أمراض نفسية وأفعال كتير غير مبررة والدراما ممكن تنقل ده ... بس لما نتفرج على الأفعال المريضة اللي وراها أمراض نفسية متلتلة لازم الناس تستنكر وتضايق وتكتب وترفض وتشجب وتنتصر للافعال السوية وللناس الاسوياء ... كريم اتضايق جدا أن بعض الناس قالوا أن فيه زنا محارم وهم لسه مشافوش المسلسل لآخره ... طيب احنا اسفين يا كريم ... طلع زنا بس ... المفروض الناس تسقف يعني للعلاقة غير السوية اللي بين فيروز وعمر ؟! ما تسيبوا الناس ترفض يا اخي براحتها هي بترفض عمر غير السوي اللي خرب الدنيا.. الناس ما رفضتش كريم ولا غلطت في كريم ... ما طبيعي الناس ترفض التصرفات غير المبررة وترفض الزنا غير المبرر بين فيروز وعمر وأي محاولات تبرير أو تعاطف من عينة أصلها مش امها، أصله طلقها».

وأوضحت دعاء فاروق: «ده نقوله عند الدكتور النفسي بقي لو ظبطنا نفسنا بنقول كده لأننا هنبقي عاوزين حاجة مش طبيعية تحصل». الطبيعي أن الناس ترفض محاولات النصب لزياد وترفض ضربه لمراته وترفض تصرفات عزت مع فيروز.. ده اكتر واحد مريض نفسي في العيلة بالعملية اللي عملها، وبالسر غير المبرر لما خبي على بنته إن أمها ماتت ... صحيح قطع قلبي في الحلقة 12اللي اتنكدت بسببها وشايفة انها نقلت المسلسل من منطقة الساسبنس لمنطقة سواد غميقة ضايقتنا جدا وقبضت قلبنا وانا هنام متنكدة النهاردة يا أساتذة بسببكم ».

وأضافت دعاء: «خدوا انتو النجاح وسيبونا نعبر عن النكد والسواد اللي اتسببتوا فيه.. انبسطوا بالترندات والبوستات والمقالات والفيديوهات حتي لو بتشتم في الأشخاص والأفعال لأنهم لازم يتشتموا كلهم ولا تحبوا بالمرة نسقف سلمي المدمنة ونزرغط لياسمين اللي ماشية تصطاد رجالة كبار ... سيبونا بقي في الوحلة اللي وحلتونا فيها مش عارفين نخرج من مستنقع منتصف النيلة».

أحداث مسلسل أزمة منتصف العمر

تدور قصة مسلسل «أزمة منتصف العمر» حول «فيروز»  التي تجسدها ريهام عبدالغفور والتي تزوجت في سن صغيرة من رجل يكبرها في العمر كثيرا، وتعاني من معاملته القاسية وإهماله لها، في نفس الوقت تتزوج «مريم» التي تجسدها الفنانة رنا رئيس  ابنتهما من «عمر» الذي يجسده الفنان كريم فهمي  والذي يكبرها في العمر ويلاحظ «عمر» معاملة «مريم» ووالدها السيئة لـ«فيروز» ويتقرب منها ويقع في حبها.

فريق عمل مسلسل «أزمة منتصف العمر»

يخوض بطولة مسلسل «أزمة منتصف العمر» عدد من الفنانين من بينهم كريم فهمي، ريهام عبدالغفور، رنا رئيس، هند عبدالحليم، رشدي الشامي، ركين سعد وعمر السعيد، ومن تأليف أحمد عادل، ومن إخراج كريم العدل.

مشاهدة مسلسل أزمة منتصف العمر الحلقة الجديدة

هند عبد الحليم تتعرض للتحرش في أحداث مسلسل أزمة منتصف العمر

بعد جدل مسلسل أزمة منتصف العمر.. كريم فهمي: انتظروا صراع الملايكة