رانيا يوسف: بنجح مع المخرج اللي مش شايف شكلي

تحدثت النجمة رانيا يوسف، عن علاقة الممثل بالمخرج، مشيرة إلى أنها تنجح مع المخرج الذي لا يرى شكلها.

رانيا يوسف تتحدث عن المخرجين

وقالت رانيا يوسف خلال ورشة توجيه الممثل المقامة على هامش فعاليات مهرجان أسوان الدولي لأفلام المرأة: 'لما بيجيلي أني أعمل أوديشين مش بتكسف وبروح عادي أعمل'.

وتابعت: 'أنا لقيت أني بنجح أكتر لما بشتغل مع المخرج اللي مش شايف شكلي زي الأستاذ محمد ياسين، وأحسن أدواري كانت معاه، والمخرجين اللي شايفين اللي جوه مش الشكل الخارجي بس، قليلين أوي'.

واستكملت رانيا يوسف حديثها، وقالت: 'عشان كدة للأسف معظم شغلي طول الوقت مع مخرج شايفني ست شكلها حلو من وجهة نظره'.

تصريحات رانيا يوسف

وأضافت رانيا يوسف: 'دلوقتي بقيت اسم، بحاول أشتغل على طول إني مبقاش مهتمة بشكلي على قد ما أهتم بالدور، بس في الآخر بترجع للمخرج، ولما بقعد مع المخرج بعرف من أول خمس دقايق معاه هو عايز إيه، عايز رانيا بشكلها الخارجي، ولا عايز رانيا الممثلة'.

واختتمت رانيا يوسف حديثها: 'لازم المنتج يلتزم بتسليم دفعة الممثل لأن كتير بشتغل مع منتجين بيأخروا الدفعة عليا، ويقولي بكرة هجبلك الدفعة وميجبش وأفضل أجري وراه بالشهور'.