رحلة الإعلامية أسماء مصطفى في مواجهة السرطان ورسائلها الأخيرة

عانت الاعلامية أسماء مصطفى من رحلة طويلة بعد إصابتها بورم، وخضعت لعدد من العمليات الجراحية بجانب جلسات العلاج الكيماوي.

رسالة مؤثرة من أسماء مصطفى

كتبت أسماء مصطفى بعد تعرضها لوعكة صحية قائلة، «معرفش ليه بجد الانسان لما بيجرب انه قرب من الموت وربنا بنجيه ويقف معاه وكل شوية يقرب ويبعد
الدنيا فى نظره بتصغر وبيحس ان كان بيدى امور ملهاش لزمة مساحة فى حياته
وبيحتفظ فى قلبه بعيلته واهله والناس الحلوة الطيبة الى حواليه دول بس الى بيفضل فاكراهم ».

وأضافت، «حتى لو حد كان مزعله او فى موقف وجت السيرة بالصدفة، حقيقى بكون مش فاكرة اساسا، بفكر فى ناس تانية خالص سبحان الله، فعلا مش دايم غير المعروف والمحبة والسيرة الطيبة».

رسائل أسماء مصطفي قبل وفاتها للمتبرعين

كتبت أسما، «النهاردة بجد جاتلى أغلى هدية ممكن انسان فى مرضه او شدة محتاجها اصحابى الستات الجدعان واحلى ماميز فى الدنيا فكروا يجيبولي ايه هدية وعملوا احلى حاجة فى الدنيا ممكن اكون انا وغيرى محتاجينها ولا تقدر حقيقى من وجهة نظرى بثمن
بدل ما كل واحدة تروح تجيبلى هدية او ورد شيكولاتة الى هى الهدايا لما بتروح تزور حد وطبعا كتر خيرهم» .

وأضافت، «انما جمعوا بعض ولما الفلوس وراحوا اشتروا جهاز حقن كيماوى وحطوه باسمى فى مستشفى ٥٧، انا عارفة انهم مش منتظرين شكر منى ولا البوست ده حتى بس انا حبيت انشر فكرتهم الحلوة الى كلها انسانية وثواب كبير ربنا يجازيكم بالمثل واكثر ربنا يخليكم ليه يا رب، اللهم لك الحمد كما ينبغى لجلال وجهك وعظيم سلطانك ربنا فى محنتى اه رزقنى انى اعانى من السرطان».

وتابعت، و«اشوف قسوة التجربة لكن كمان رزقنى بنعمة كبيرة بكم من البشر كلهم نقاء دعوات كانت بتوصلني من كل مكان طول الوقت وفى اطهر بقاع الارض فى الحرم وفى صلوات فى الجوامع والكنائس، وختم للقران واطعام وافطار صايم ».

رسائل أسماء مصطفى قبل وفاتها

كشفت الإعلامية أسماء مصطفى آخر تطورات حالته الصحية، بعد خضوعها لعملية جراحية في الأيام الماضية، نتيجة إصابتها بمرض السرطان.

وكتب أسماء مصطفى عبر حسابها الشخصي بموقع التواصل الاجتماعي «فيس بوك»، قائلة: «الحمد لله رب العالمين كما لله كما ينبغي لجلال وجهك وعظيم سلطانك، اتأخرت عليكم بس عارفة أنكم بتعذروني، وعايزة أقولكم أني فعلا زي ما بنقول ربنا كتبلي عمر جديد وقدر ولطف، تفاصيل صعبة لكن أكيد الدعوات الصادقة لوجه الله هي اللي نجتني».

وأضافت: «أنا لسه عندي مشوار مع العلاج، والحمد لله مقدرتش أتخلص من الورم اللعين كليا، ولسه هكمل علاج، لكن ربنا نجاني الحمد لله، وربنا يسامحني، على كل يوم كنت بصحتي ومصحتش أحمد ربنا عليه، أيها الأصحاء اشكروا الله، وادعوا لجميع المرضى، بشكركم من قلبي على دعواتكم ربنا يحفظكم».

وتقام صلاة الجنازة اليوم، عقب صلاة العصر من مسجد الشرطة بمدينة 6 أكتوبر، أما العزاء فتحدد له غدا الثلاثاء 23 نوفمبر بمسجد الشرطة.

ونعرض في التقرير التالي أبرز المعلومات عنه:-

– تخرجت أسماء مصطفى، في كلية التجارة وإدارة الأعمال.

– أجرت الماجستير في الإدارة المالية.

– بدأت التدريب على العمل الإعلامي من خلال مؤسسات صحفية كبرى.

– قدمت عدد من البرامج الصباحية، مثل صباح الورد وصباح التحرير.

– تزوجت من عضو مجلس النواب أيمن أبو العلا، ولديهما ولدين الأكبر اسمه كريم، ويبلغ من العمر 13 عامًا.

– قدمت برنامج «في بيتها» على نغم fm، بشكل يومي خلال شهر رمضان الماضي.

– أعلنت عن إصابتها بمرض السرطان في أبريل الماضي.

8 معلومات عن الاعلامية أسماء مصطفى بعد وقاتها

صلاة الجنازة على الاعلامية أسماء مصطفى اليوم بعد صلاة العصر من مسجد الشرطة

 

 

زر الذهاب إلى الأعلى