رحل بعد أشهر من زفافه.. من هو الفنان كريم عبدالعليم الذي فجع الوسط الفني برحيله في حادث سير؟

أعلن الفنان حسام داغر وفاة الفنان كريم عبدالحليم، بعد حادث سير في الشيخ زايد، وتسببت وفاته في حالة حزن بالوسط الفني.

نشر حسام داغر مجموعة صور تجمعه بالراحل كريم عبدالعليم، عبر حسابه الرسمي بموقع فيس بوك، معلقًا: «الله يرحمك يا كريم.. مش مصدق وأنا بكتب الكلام ده.. الممثل الشاب كريم عبدالعليم كان طالب عندي في استوديو الممثل وخريج المعهد العالي للفنون للمسرحية في ذمة الله».

وفاة الفنان كريم عبدالعليم

وتابع: «توفى من شوية عربية صدمته في الشيخ زايد وتوفى في المستشفى.. ده لسه فرحك كان في شهر يناير يا حبيبي يا شقيان يا ممثل يا عظيم وشاطر من أول ما عرفتك في مسلسل حضرة العمدة وشفت موهبتك وعلقت على جمالها وشطارتك وعرفت إنك من المتفوقين كمان في المعهد وأنك خدت جوايز كتير من أول فيلمك القصير بوتيتو potato اللي لف الدنيا وجيت وعرفتك أكتر كطالب عندي وشفت حجم موهبتك الكبيرة».

واستكمل حسام داغر: «ليه يا ربي وجع القلب ده.. ميغلاش على اللي خلقه ده كان بيضطر يجري ورا حلمه ويشتغل حاجات تانية علشان يقدر يتجوز ويفتح بيته لا حول ولا قوة إلا بالله لسه راجع من المستشفى ربنا يصبرني يارب ويصبر أهلك وزوجتك ويرحمك يا حبيبي يا كريم يا عريس الجنة».

من هو كريم عبدالعليم

• من مواليد 1 مايو 1997 بمحافظة الغربية.
•  كان يُلقب نفسه بـ«تاجر السعادة».
• بدأ التمثيل من مسرح جامعة طنطا.
• التحق بالمعهد العالي للفنون المسرحية.
• شارك بالتمثيل فى عدد من الأعمال من بينها مسلسل الضاحك الباكي عام 2022، ومسلسل زينهم عام 2023 ومسلسل حضرة العمدة عام 2023.
• قبل أشهر قليلة احتفل بزفافه في أجواء عائلية.