رحمة أحمد تتحدث عن اكتئابها وكواليس مكالمة غير متوقعة مع عبلة كامل

كشفت الفنانة رحمة أحمد سبب انخفاض وزنها الفترة الأخيرة، وحقيقة خضوعها لعملية تكميم معدة.

نفت رحمة أحمد عبر تصريحات إعلامية خضوعها لعملية تكميم معدة، أو إتباعها أي نظام غذائي.

اكتئاب رحمة أحمد

وقالت عن السبب: «جالي اكتئاب وأسبابه كانت قوية بالنسبة ليا، مكنتش باكل خالص وجالي سدة نفس مش طبيعية وده اللي خسسني».

وتابعت رحمة أحمد: «ومأخدتش حقن تخسيس ومش هخبي لو أخدتها، ومعملتش تكميم ده سؤال بتسأله دايمًا، أنا كل اللي حصلي سببه كان نفسي»، لافتة إلى أن زيادة الوزن التي ظهرت بها في مسلسل الكبير أوي 6 كان بسبب إنجابها لنجلها مصطفى.

كواليس مكالمة رحمة أحمد مع عبلة كامل

وأضافت: «أنا تخنت في الحمل 13 كيلو، ونزلتهم بعدما خلصت رضاعة وبدأت أخس، ونفس اللي تخنته خسيته خلال 3 سنين، وعمري ما روحت لدكتور نفسي ومش عارفة ممكن يقدملي إيه زيادة، أنا عارفه إيه وصلني لكدة كويس، أروح لدكتور لما معرفش أتعامل مع نفسي».

وفيما يخص كواليس مكالمة الفنانة عبلة كامل لها، قالت رحمة أحمد: «كنت في النقابة مع دكتور أشرف زكي من 4 سنين، وقالي عندي مفاجأة ليكي وسلمني التليفون وكانت عبلة كامل على الخط، وكنت لسه عاملة مربوحة».

واختتمت: «واتكلمت معايا كأم وكانت خايفة عليا، وإدتني نصايح مهمة، وباركتلي، وقالتلي أنوع في أدواري، وهي فنانة قديرة، وفيه بنت شابة اسمها فاتن سعيد فكرتني بيها، وكانت طالعة من غير ماكياج في مسلسل ظلم المصطبة».

رحمة أحمد