زينة عن اللحظات الأخيرة في حياة شقيقها: راح لربنا صايم ومصلي ومتوضي

استعادت الفنانة زينة اللحظات الأخيرة قبل وفاة شقيقها، بكلمات مؤثرة.

ونشرت زينة صورة تجمعها بشقيقها الراحل، عبر حسابها الرسمي بموقع إنستجرام، معلقة: "الشاب الحلو ده أخويا ربنا حرمني منه وراضية وبحمد ربنا في كل لحظة.. أنا واثقة فيك يا رب إن ليك حكمة في كده".

وتابعت: "الحمدلله كان صايم وصلى العصر في الجامع ونام صايم وماصحيش راح لربنا صايم ومصلي ومتوضي وفي رمضان.. أنا قلبي واجعني أوي وبطلب منكم الدعاء لإسلام أخويا وابني وحته من قلبي".

واستكملت زينة: "أنا طول عمري محتاجة دعائكم ومجرباه (الدعاء بظهر الغيب) عمري ما احتاجت دعوة منكم واتأخرتوا عني علشان كده دايمًا ربنا بيساعدني بسببكم".

واختتمت: "ربنا يرحم أخويا وأبويا وكل أمواتنا وأموات المؤمنين والمؤمنات.. ادعوا وأنتم بتفطروا ودلوقتي وربنا يصبرنا جميعا الأخ بيوجع في القلب أوي (يا وهاب أوهبه الفردوس الأعلى من الجنة هو وبابا)".