سارة عبد الرحمن تكشف تفاصيل تجربتها مع أحمد حلمي

تحدثت الممثلة الشابة سارة عبد الرحمن أحد أبطال مسلسل ريفو 2، عن تجربتها مع الفنان أحمد حلمي، ودورها في فيلم ألف مبروك.

سارة عبد الرحمن وأحمد حلمي

وقالت سارة في تصريحات تليفزيونية: أحمد حلمي قرر يعمل فيلم كله ناس مش معروفة، وكان الترشيح للأدوار من خلال أوديشن كبير على 3 مرات، ولمدة شهرين أو 3 شهور.

وتابعت سارة: وأنا في الجامعة، كان من أحلامي لما دخلت المسرح أشتغل مع أحمد حلمي، وكانوا بيتريقوا عليا علشان بحبه، وعلشان دخلت فيلم كده رضا 5 مرات. بعدها بـ 6 شهور حصلت على الفرصة دي من عند ربنا.

وعن معاناة الممثلين الشباب فقالت: فيه نصيحة سمعتها في بدايتي إني أكون لطيفة مع كل الناس، لإن سهل يحصل عداوات والسوق مش سهل.

وأضافت: بالذات والممثل لسه صغير بيبقى في استفزاز كتير، ونفسي الحاجة دي تتغير، الممثلين الصغيرين بيتبهدلوا ومحتاجين ضبط نفس وصبر وأمل.