سيد عبد الحفيظ: الأهلي بحاجة لمدرب بشخصية قوية.. ووليد صلاح الدين يتعامل باحترافية

أكد سيد عبد الحفيظ، مدير الكرة الأسبق بالنادي الأهلي، أن المرحلة الحالية للفريق لا تتطلب مجرد التعاقد مع مدرب صاحب اسم كبير، بل تحتاج إلى شخصية لديها شغف حقيقي، وقدرة على العمل تحت الضغط، وإدارة التفاصيل اليومية داخل نادٍ بحجم الأهلي.

وقال عبد الحفيظ، خلال حواره مع الإعلامي إبراهيم فايق على شاشة MBC مصر 2:

"الأهلي مش محتاج مجرد اسم، هو محتاج مدرب عنده شغف، شخصية قوية، يعرف يتعامل مع تحديات يومية وضغوط جماهيرية، ويقدر يقود لاعبين كبار من أول يوم".

وتطرق عبد الحفيظ إلى واقعة ياسر إبراهيم بعد رفضه استلام جائزة أفضل لاعب أمام حرس الحدود، قائلاً:

"قابلت ياسر النهاردة وقلت له: إيه اللي حصل يا راجل؟ ياسر من اللعيبة الجدعة والملتزمة، واللي حصل كان مجرد تصرف غير موفق، وهو أول واحد لام نفسه عليه، لأنه مش من طبيعته إطلاقًا".

وعن سؤاله حول القرار الذي كان سيتخذه لو كان في منصبه، أجاب:

"القرار مش عندي دلوقتي، في حد مسؤول هو الكابتن وليد صلاح الدين، وبيؤدي دوره بشكل محترم. ولازم أي قرار يتاخد يكون مبني على معرفة كاملة بكل التفاصيل".

وأشاد عبد الحفيظ بأداء وليد صلاح الدين كمدير للكرة، قائلاً:

"وليد بيتعامل باحترافية وهدوء، وده المطلوب جدًا في الأهلي. المنصب مش مجرد قرارات، لكنه منظومة كاملة قائمة على الانضباط والقيادة والتواصل".

واختتم حديثه بالتأكيد على أن الأهلي كيان كبير لا يعرف القرارات الفردية:

"في الأهلي مفيش رد فعل فردي. كل لاعب لازم يكون عنده وعي بمسؤولياته. لكن كمان من المهم نفهم كل موقف بتفاصيله قبل ما نصدر أي حكم".