صالحة عبدالفضيل: بعشق مهنتي وبخلص فيها.. ولو بصينا للمرتب مش هنشتغل

كشفت صالحة عبدالفضيل، مديرة مدرسة الشهيد بالقليوبية، عن تمسكها بمهنة التعليم وحرصها طوال سنوات عملها على أداء رسالتها، مؤكدة أن حبها للمهنة يدفعها للاستمرار رغم تحديات العمل، وموجهة رسالة لزملائها بضرورة العمل من أجل الأجر والثواب، وليس فقط مقابل الراتب.

وقالت خلال مداخلة هاتفية مع الإعلامية «نهال طايل» في برنامج «تفاصيل» المذاع على قناة «صدى البلد2»: «أنا بعشق مهنتي وبخلص فيها وبقول لزملائي متشتغلوش عشان المرتب اللي بتقبضوه اشتغلوا عشان أجركم عند ربنا».

وأضافت: «لو إحنا بصينا للمرتبات مش هنشتغل، لكن إحنا عايزين الأجر من عند اللي خلقنا بس».

وأوضحت: «مقابلة وزير التعليم كانت تكريم لينا، وإحنا برضه كرامتنا محفوظة وكل واحد بيحافظ على كرامته، لكن مقابلة الوزير شرف».

وعن رد فعلها عندما تلقت مكالمة من مكتب وزير التعليم، قالت: «لو كانت أي حاجة غير إني اتكرم عادي مش فارقة، أنا كده كده في المدرسة سواء مديرة أو مدرسة أو عاملة، أنا مش فارق معايا حاجة، أنا منوفية والمنوفيين جامدين».

وبشأن ما تردد عن زيارة المحافظ للمدرسة غدا، قالت: «أنا معرفش حاجة ومحدش تواصل معايا وقالي كده، لو المحافظ جه هيجي يشوف سير العمل، هو بيشوف شغله وأنا بشوف شغلي».

وتابعت: «ولادي وجيراني والجمهورية كلها مبسوطة بيا، وده مش حالي أنا بس، ده حال كل مدير مدرسة، الكل كده بيعملوا زيي».

ووجهت رسالة للمتعاطفين معها: «بشكر كل الناس اللي اتكلمت عني بالخير وبالشر، وقلبي مش بيشيل من حد خالص، والناس حاسة بينا وحاسة بالتعب».