طليقة حسن شاكوش: ربنا يبعد عنكم خراب وهدم البيوت

وجهت ريم طارق طليقة مؤدي المهرجانات حسن شاكوش رسالة جديدة لمتابعيها عبر مواقع التواصل الإجتماعي بعد اعلانها انتهاء خلافاتها مع شاكوش وحصولها على مستحقاتها.

ونشرت ريم طارق مقطع فيديو لها عبر حسابها الرسمي على موقع التواصل الإجتماعي إنستجرام، وعلق قائلا: اللهم لك الحمد الموضوع خلص على خير وده اللي كنت بتمناه من البداية خراب البيوت وحش ومش تريند ده أغضب الحلال عند الله الطلاق اجتنبوا كثيرا من الظن ان بعض الظن إثم.

ريم طارق وشاكوش

وأضافت ريم طارق طليقة شاكوش: ربنا ما يكتب على أي حد التشتيت أو تفريق القلوب ربنا يكتبلنا الخير ويعوضنا فى اللي جاي ويبعد عنكم جميعا خراب وهدم البيوت.

وأنهى مغني المهرجانات حسن شاكوش، خلافه مع طليقته ريم طارق، وذلك بعد خلاف دام لعدة أشهر بينهما.

وأعلنت ريم طارق طليقة حسن شاكوش، انتهاء الخلافات بينهما وقالت في تصريحات تلفزيونية: 'الحمدلله اخدت كل حقوقي الشرعية من حسن، والحمدلله اني طلعت شخص كويس'.

وتابعت: 'هو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله او من اهلي او مامته فحقهم على راسي وكل شئ قسمة ونصيب'.

طليقة حسن شاكوش

وكانت ريم طارق طليقة مطرب المهرجانات حسن شاكوش، كشفت سبب سجدوها في حفل زفافهما، ذلك الموقف الذي أثار جدلًا واسعًا على مواقع التواصل الاجتماعي حينها، كما عرضها للعديد من الانتقادات.

وقالت ريم طارق في تصريحات تلفزيونية: 'مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة ازاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي'.

وأضافت ريم طارق: مقصدتش أعمل تريند ولا حسن طلب مني ومكنش موجود أصلا، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن'.