علي معلول يكشف كواليس قرار قيده بقائمة الأهلي.. «جلسة مع رمضان حسمت القصة»

كشف التونسي علي معلول كواليس الساعات الأخيرة، التي شهدت اتخاذ الأهلي قرار قيده في القائمة المحلية والأفريقية كمحترف أجنبي خامس.

وأعلن النادي الأهلي عبر قناته الرسمية قيد التونسي علي معلول، ضمن قائمة الفريق المحلية والأفريقية، لينتهي الجدل حول مصير اللاعب مع القلعة الحمراء.

وقال علي معلول، عبر قناة الأهلي، «أنا قعدت مع الكابتن محمد رمضان وكنت كل يوم بتمرن، قالي تعالى عايزك أنت شايف المرحلة دي تمشي أزاي ، قلتله أخلص فترة التأهيل وأنزل التمرين مع الفرقة وبعد كدة وشوفوا القرار المناسب، وقلتله أنا واثق من نفسي وعارف نفسي كويس لو نزلت الملعب هكمل في الأهلي».

وأردف قائلًا: «والحمدلله أنا كل يوم في التمرين بكون أحسن من اللي قبله والدكتور واللاعيبة حتى شايفني يوم عن يوم بكون أحسن».

وتابع علي معلول: «الكابتن محمد رمضان طلبني النهاردة في غرفته وقال لي: يا علي لو كملت في الفرقة وملعبتش هتعمل مشاكل في الفرقة، قلتله لأ طبعًا أعمل مشاكل ليه أنا تحت أمر الجهاز الفني في أي وقت».

ومضى يقول: «ردّ علي الكابتن محمد رمضان قالي تمام يا علي أنت معانا لمدة 6 شهور كمان».