عمرو سلامة ينتقد اختيارات حسام حسن ويهيب بـ «نخبة الأهلي»

وجه المخرج عمرو سلامة رسالة إلى حسام حسن المدير الفني لمنتخب مصر، بعد إعلان قائمة منتخب مصر الأولية استعدادًا لبطولة كأس العالم 2026.

كتب عمرو سلامة في تغريدة عبر حسابه بموقع x: على كابتن حسام حسن يفكر كويس في مصلحة مصر».

وتابع: «ما هو أكيد مش هنروح نلعب كاس العالم بفريق معظم قوامه لعيبة في فريق ثالث الدوري».

وهاجم عمرو سلامة قيادات الأهلي في تغريدة أخرى، وكتب: «الأهلي ضحية نخبته، اللي بتقدر دايما تقوله بص العصفورة وتزن لحد ما يبص.. بص عصفورة الحكام الأجانب، بص عصفورة وفا، بص عصفورة آدم وطني، بص عصفورة غمزة بلحاج، وألف عصفورة ثانية».

واستكمل: «دورهم الأساسي تشتيت الغضب، مدافعين زي أي مدافع كورة، لو الكورة قربت من الهدف قوي لازم تشتتها بعيد.. علشان النخبة كلها متفقة إتفاق ضمني إسمه "الحصانة".. الحصانة لـ "رموز" و"قيادات" قادر على قطع رزق الأرزاق وقطع الألسنة وقطع الأرجل».

واختتم: «وهم عارفين كويس وبيتكلموا في الغرف المغلقة إن المشكلة الحقيقية في قرارات وطرق صرف غريبة مريبة وتكاد تكون مشينة لملايين الدولارات.. وجمهور مدرجات الأهلي هو الوحيد اللي واعي وشجاع، وعارف مشكلته فين، وبصوت عالي بيقول ويهتف في المدرجات مهما بيحاولوا يقفلوا عليه الصوت.. المجد دائما للجماهير».