عمرو محمود ياسين يدافع عن ياسمين عبدالعزيز بعد إلغاء تتر مسلسل وننسى اللي كان

حرص السيناريست عمرو محمود ياسين على الدفاع عن الفنانة ياسمين عبدالعزيز، بطلة مسلسله «وننسى اللي كان»، بسبب الانتقادات وخاصةً بعد إلغاء تتر رامي صبري.

كتب عمرو محمود ياسين في منشور عبر حسابه الرسمي بموقع فيس بوك: «حقيقي أنا مش مصدق اللي بيحصل مع الفنانة ياسمين عبدالعزيز لو تتر اتغير من حاجة لحاجة يبقى ياسمين.. لو ممثلة أو ممثل بيقول جملة معينة هنا أو هنا يبقى ياسمين.. (طيب أنا رُحت فين) لو حد لابس لبس معين يبقى ياسمين!».

عمرو محمود ياسين يدافع عن ياسمين عبدالعزيز

وتابع: «لو شخصيه متسمية اسم بعينه يبقى ياسمين.. وأقسم بالله أن هذا غير حقيقي!.. لأن المسلسل له مؤلف ومخرج ومنتج وستايلست وأقسام تخصصية.. إحنا مش هواه.. إحنا بنشتغل وكل واحد فينا بيحترم دور الآخر وكل واحد مسؤول عن اختصاصاته ودوره في العمل».

واستكمل عمرو محمود ياسين: «أكيد بنتشاور وبنفكر مع بعض كلنا للوصول لأفضل قرارات اللي فيها مصلحة المشروع.. بس الموضوع كله تصفية حسابات للأسف الشديد.. وهي بقت مش عارفة تعمل إيه لما تطلع ترد الناس تقول لها بتردي ليه؟ ولما تسكت الناس بتصدق الاتهامات!».

تصريحات عمرو محمود ياسين

وأضاف: «حقيقي أنا بشفق عليها ولكن اللي بيخليني أهدى أن ياسمين قوية جدًا.. جدًا جدًا وبتقابل ده كله بسخرية وضحك وبترد تقولي أنا مش شايفاهم.. بس أنا متعود أواجه والناس اللي بتتابعني عارفين عني ده ولازم الجمهور يعرف الحقائق».

واختتم: «لأن أنا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جدًا جدًا.. وربنا يصلح حال الجميع.. وخالص التقدير والاحترام للجميع».