فيفي عبده تكشف أسرارها : كنت مضطرة أجهض طفلي الأول وتزوجت 5 مرات

وجهت فيفي عبده تحذيرًا للزوجات من التسرع في طلب الطلاق في حالة حدوث خيانة، قائلة: «كل الرجالة بتخون وتقول هل من مزيد».

تصريحات فيفي عبده

أضافت فيفي عبده في تصريحات تلفزيونية لها: «إوعي الراجل يروح من إيدك لو جوزك لقطة وكويس، وراجل أبو ولادك، وكسبتيه من الزمن المنيل اللي إحنا فيه، إعملي نفسك مش عارفة، وإوعي تسمعي كلام الناس وكذبهم».

واستكملت الفنانة فيفي عبده نصيحتها للسيدات: «ولازم تشوفي بنفسك وتبقي كسرتي عينه، لكن لما تطلبي الطلاق هيقول مع السلامة ويروح للست التانية».

إجهاض فيفي عبده

اعترفت فيفي عبده بإجهاض طفلها الأول، قائلة: «كنت بحب جوزي وحملت منه، لكن نزلت الطفل أنا مش مع الإجهاض لكن كنت مضطرة، كنا في بداية حياتنا، ومقدرش أخسر حياتي أو أكون سبب يخسر حياته».

وفيما يخص طلب طلاقها من زوجها، قالت: «روحت على كينيا مع زوجي، ولبست هدوم السفاري، وجوزي وصاحبه ومراته أخذوا البنادق وراحوا يصطادوا غزال من الجنينة، بس أنا طلبت أنتظر في العربية لأني مش جريئة».

طلاق فيفي عبده

وتابعت: «وهما التلاتة راحوا يصطادوا، اكتشفت إن الشخص المسؤول عن حراستي لا يملك بندقية وكان معاه عصاية، فصرخت ورجعوني مكان إقامتي بالطيارة الهليكوبتر ووداني على الشاليه، وجوزي رجع بينزف من مناخيره، لأنه بدل ما يضرب الغزالة بالبندقية ضرب نفسه».

وقالت فيفي عبده أيضًا: «قعدت في الأوضة وطلبوا مني أنتظر في الشاليه وقفلوا الباب، وفجأة لقيت نمر نط من الشباك عندي، وكان النمر حقيقي وأكل صاحبه في نفس السنة دي، وقلبي كان هيقف، لكن عشان أنا راقصة ورياضية نطيت فوق مكان عالي جدًا، ولكن النمر ربنا هداه وقتها، ولما نزلت مصر طلبت الطلاق».

زواج فيفي عبده

واختتمت فيفي عبده: «تزوجت خمس مرات في حياتي، ولم أخشَ فشل الزواج، وإنما كنت أخشى ألا يطلقني زوجي ويتمسك بي وأنا لا أرغب في الاستمرار معه».

وكانت قد تحدثت قبلها عن معالمة والدتها القاسية قائلة: «والدتي كانت بتضربنا بالكرباج كانت قاسية جدًا لكن ربتنا، ولو واحدة في إخواتي عملت غلطة تضربنا كلنا معاها.. في مرة رجعت البيت لقيت والدتى معلقة أختي في النجفة ووشها وارم من كتر الضرب».

فيفي عبده

فيفي عبده

فيفي عبده في تصريح ناري: أمي كانت بتضربني بالكرباج

بعد نقل والدة منة شلبي المستشفى.. فيفي عبده: ربنا أعلم بيكي