«لازم الحكومة تشوف حل».. أحمد موسى يحذر من انفجار القنبلة الموقوتة| فيديو 

قال الإعلامي أحمد موسى، إن الدولة أعدت تنمية وشبكة طرق عملاقة متطورة في سيناء، مردفًا: «ملف اللاجئين دا قنبلة موقوتة، عندنا 10 مليون ضيف، في دول بيقولوا إحنا استقرينا خلاص خليهم يرجعوا بلدهم».

وقال أحمد موسى، خلال تقديم برنامج «على مسئوليتي»، عبر قناة «صدى البلد»: «إحنا الدولة الوحيدة التي لم تنصب خيمة لأي شخص، عكس دول تانية، الناس عندها قلق وقلق مشروع من القنبلة الموقوتة، ولازم أقول للرأي العام هتعامل مع الملف دا إزاي، وإيه خطتك للموضوع دا».

وتابع: «بعض الدول بيقولوا عندهم استقرار خلاص يرجعوا عندهم نفس الأكل بتاعنا وعندهم ميه زي المياه بتاعتنا، لازم يكون في خطة للملف دا، أوروبا دلوقتي بترجع اللاجئين لبلدهم، الملف دا فيه غضب للرأي العام، وقلق من المواطنين خوفًا على بلدهم».

وأكمل: «النقد يبني دولة، ومن حق المواطن يعرف من الحكومة في المؤتمر اللي جاي يقولنا هيعملوا إيه في الملف دا، ولازم يكون في رد للرأي العام، ودا حق المواطنين من الحكومة، ولازم يكون خطة لينا في هذا الملف».

واستطرد: «الدولة معندهاش تهريج في ملف الأمن القومي، وكل يوم بنلاقي إبعاد من الحكومة لعدد من الأشخاص، الملف دا مفيش خجل فيه، ودا ملف من التحديات التي تواجه الحكومة ولازم يكون هناك مكاشفة ومصارحة».