لا بطلب فلوس ولا ببعت هدايا.. نورهان تحذر من اختراق حساباتها

كشفت الفنانة نورهان تعرض حساباتها الشخصية بمواقع التواصل الاجتماعي للاختراق، ما تسبب في انقطاع التواصل بينها وبين جمهورها وأصدقائها بشكل طبيعي.

كتبت نورهان في منشور عبر حسابها الرسمي بموقع فيس بوك: «صباح الخير.. أنا دلوقتي بقيت قادرة استقبل مكالمات».

وتابعت: «مكنتش بتجيلي قبل كدة كانت بتروح للهاكر، ودلوقتي التواصل الوحيد بيني وبين الناس بالاتصال فقط للأسف».

واستكملت نورهان: «لسه الواتساب ماسترجعتوش ولا أغلب الحاجات .. والبوست ده بكتبه من اللاب وأنا مش عارفة هيتشاف ولا لا وولا عارفة هل أنا كدة معايا حد تاني هنا بينزل بوستات ولا خلاص».

واختتم: «بقيت لوحدى على الصفحة.. هنعرف قريب إن شاء الله.. وبكرر أنا لا ببعت لحد هدايا يفتحها ويكسب فلوس، ولا بطلب فلوس طبعًا من حد.. ده الهاكر».