لينا صوفيا تكشف مواصفات فتى أحلامها وصفة واحدة ترفضها

كشفت الفنانة لينا صوفيا مواصفات فتى أحلامها، وتحدثت عن رأيها في فكرة الزواج.

قالت لينا صوفيا عبر تصريحات تلفزيونية: «بالنسبالي الناس بتتجوز عشان الاستقرار ويبنوا عيلة، وأنا دايمًا بقول إحنا العيلة بتاعتنا ربنا بعتهالنا عندنا مرة في حياتنا».

رأي لينا صوفيا في الزواج

وتابعت: «قرار إننا نختار حد يبقى من عيلتنا فده الحاجة الوحيدة اللي بتبقى قرارنا».

وعن مواصفات فتى أحلامها، قالت لينا صوفيا: «يكون طيب ورياضي جدًا وعيلته مترابطة زي عيلتي، لأن في الأول والآخر أنت مش بتتجوز بني آدم أنت بتتجوز عيلة».

مواصفات فتى أحلام لينا صوفيا

واستكملت: «ويبقى كريم، يبقى مهتم بشكله.. مفيش مواصفات للشكل معينة وكده كده لما بتحبي حد مش بتهتمي بشكله».

واختتمت لينا صوفيا: «أرفض الشخص البخيل لأن البخيل مش هيبقى بخيل في الفلوس بس هيبقى بخيل في مشاعره، وأنا أتمنى إني أبقى أم صغيرة أخلف وأنا صغيرة حاسة إني عايزة ولادي يكبروا مع جدودهم وهما صغيرين.. أتمنى أبقى أم كويسة زي مامتي، تربيتها كانت أحسن حاجة أتمنى حتى أبقى نصها».