محمد رمضان يرد على انتقادات إطلالته في أمريكا: عمري ما ألبس واحدة ست

خرج الفنان محمد رمضان عن صمته، ورد بشكل مباشر على كافة الانتقادات التي تعرض لها خلال الفترة الماضية بسبب إطلالته في حفل كوتشيلا بأمريكا.

وحرص محمد رمضان على الرد على الهجوم، بعد انتهائه من حفله الثاني في كوتشيلا يوم الأحد الماضي.

وقال في مقطع فيديو نشره عبر حسابه الرسمي بموقع انستجرام: 'أنا كنت مأجل الرد لأني كنت مركز  في الحفلة التانية في كوتشيلا'.

وتابع: 'الحفلة اللي شايل فيها اسمي واسم بلدي واسم جمهوري اللي في ضهري من أول يوم جمهوري اللي حافظني وكبرت قدام عينه عارف إن محمد رمضان عمره ما لبس واحدة ست لا فيلم ولا في مسلسل مع كامل احترامي للفنانين اللي عملوها'.

واستكمل محمد رمضان: 'جمهوري اللي حافظني عارف إن محمد رمضان لبس حلق في فيلم وكليب لكن في الحقيقة عمره ما لبس حلق ولا عمره هيلبس حلق'.

وقال أيضًا: 'جمهوري اللي حافظني وكبرت قدام عينه عارف إن أكيد إطلالة الحفلة الأولى محمد رمضان ميقصدش إنه يطلع بالشكل اللي اتترجم بيه على السوشيال ميديا إحنا كان الغرض تبقى حاجة فرعوني'.

واختتم محمد رمضان: 'فريدة كتر خيرها يمكن مكنش معاها جنيهات كفاية عشان كدة طلع قصير شوية.. لكن أكيد محمد رمضان اللي إحنا حافظينه ميقصدش'.

https://www.instagram.com/reel/DIwr83UT2Vh/?igsh=cDd1em5ienFpeXAx