محمد سليمان عن زواج ابنته: القايمة والمهر ملهمش اعتبارات

تحدث الفنان محمد سليمان، عن كواليس زواج ابنته الذي كان متصدرًا مؤشرات البحث وقتها بسبب عدم مطالبته بكتابة القائمة والمهر.

محمد سليمان يتحدث عن زفاف ابنته

قال الفنان محمد سليمان في تصريحات تلفزيونية عن زفاف ابنته: «معملناش قايمه ولا مهر والحاجات دي القايمة والمهر ملهمش اعتبارات خالص».

وتابع: «شوية الكراكيب دي هي اللي هتحميها هو ده اللي هيأمن مستقبلها، لو حصل أي حاجة والكابلز انفصلوا والبنت أخدت العفش بتاعها دة كله مش مهم الأهم أني أعرفها إزاى تبقي مستقلة ماديا واقتصاديا».

رأي محمد سليمان في القائمة

وعن رأي الفنان محمد سليمان حول القائمة، قال: «علم البنت اللي اتعلمته ده اللي بيأمن مستقبلها أخلاقها ومفاهميها هي اللي بتأمن مستقبلها وطريقة تعاملها في الحياة ده المهم».

واختتم حديثه وقال: «لو بنتي قررت تقلع الحجاب طبعا مش هتدخل هي قبل ما تتحجب جت قالت ليا أنا ومامتها على قرارها مامتها اتصدمت وأنا قولت ليها فكري كويس مليون ألف مرة لأن خلع الحجاب ده شيء محبط».