محمد شاهين لـ«حمو بيكا»: «أنا ميشرفنيش أغني مع حد مش مقدرني»

رد الفنان محمد شاهين على مطرب المهرجانات الشهير حمو بيكا، وقرر مقاضاته بعدما طرح أغنية «قلبي شايل وجع» علي يوتيوب بدون إذن منه .

وكتب شاهين على حسابه الشخصي «فيس بوك»: «امبارح المحترم بيقول عليا اللي اسمه محمد شاهين.. أنا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة.. والله العظيم أنا روحت أغني الأغنية دي بس قلة حيلة وفقدان أمل».

وأضاف، «بس لكن من جوايا وأنتم عارفين لا شكلي ولا فني اللي بحبه عشان أروح أعمل كدة دي كانت غلطة وذلة مني فقط لا غير وأنا ميشرفنيش أغني مع حد مش مقدرني ومش على دراية بأي شئ ولا يفقه في المزيكا أي حاجة كمان غلطة وأنا هجيب حقي كدة كدة.. واستنوا مني اللي دايمًا متعودين مني عليه».

حمو بيكا يهاجم محمد شاهين

رد المطرب الشعبي حمو بيكا علي الفنان محمد شاهين، بعدما قرار مقاضاته بعدما طرح أغنية «قلبي شايل وجع» علي يوتيوب .

وكتب حمو عبر حسابه الشخصي “فيس بوك”، “بخصوص اغنيه قلبي شايل وجع بتاعتي انا واللي اسمه محمد شاهين، انا مطلبتش ان الاغنية دي تترفع، الاغنيه دي اترفعت وانا نايم “.

وأضاف، “لاني قبل ما انام كنت عامل لايف اني مأجل شغلي بالكامل تضامناً مع اخواتنا في بلدنا التانية فلسطين، وان الاغنية تم فتحها والشير بدون علم مني “.

وتابع، “الشركة المسؤله عن السوشيال ميديا، هي اللي فتحتها ..ملحوظة الأغنية دي اصلا .. مش من ضمن شغلي ..تحياتي لكل اخواتي واهلي وجمهوري الكبير اللي بيحبني وبيسمعني في جميع محافظات مصر والوطن العربي “.

حمو بيكا يرد على محمد شاهين: «الأغنية نزلت وأنا نايم»

محمد شاهين لـ«حمو بيكا»: «اللي عملته غدر.. وهاخد حقي بالقانون»