محمد عبد الرحمن عن انقسام الأراء حول مسلسل "بريستيج": ده دليل إنه عمل مختلف

تحدث الفنان محمد عبد الرحمن عن ردود أفعال الجمهور تجاه مسلسله الأخير "بريستيج"، مؤكدًا أنه يتفهم تمامًا حالة الانقسام التي أحدثها العمل بين محبيه ومنتقديه.

وقال الفنان محمد عبد الرحمن: "مش بس المخرجين اللي خاضوا تجربة جديدة، كمان مهندس الديكور وفريق الإخراج، وكلنا كنا عارفين إن ده عمل مختلف".

وأضاف: "أنا مؤمن إن اختلاف الأذواق طبيعي، المسلسل ممكن يعجب ناس 50% وناس 30% وناس تانية لأ، وده شيء صحي جدًا".

وتابع: "النقد عمره ما بيضايقني، بالعكس بحب أسمع الناس اللي بتقولي أنا غلطت في إيه قبل اللي بتقولي برافو، لأنه ده اللي بيعلّمني وبيساعدني أكون أحسن في اللي جاي".

واختتم عبد الرحمن حديثه مؤكدًا أن الانقسام في الآراء حول "بريستيج" دليل على أنه عمل أثار الجدل ونجح في خلق حالة، وأضاف: "مفيش عمل بيرضي كل الناس 100%، وكل حلقة ممكن تعمل رد فعل مختلف، وده في حد ذاته نجاح".