مسلم: مش بحب أسمع أغاني عصام صاصا.. ومعرفش ليه النقابة وقفتني عن العمل

كشف المغني مسلم وزوجته يارا عدد من الكواليس عن حياتهما الفنية والشخصية، وتفاصيل أزمته مع نقابة المهن الموسيقيية.

تحدث مسلم في تصريحات إعلامية عن رأيه في أغاني الفنان عصام صاصا قائلاً: "مش بحب أسمع أغاني عصام صاصا، بعيدًا عن شخصيته هو راجل كويس، لكن مش بحب طريقة أغانيه والكلام اللي فيها شتايم."

وأضاف مسلم أنه يحلم بالعديد من الإنجازات التي يسعى لتحقيقها في الفترة المقبلة.

وتطرق مسلم أيضًا إلى أزمته مع نقابة المهن الموسيقية، حيث قال: "معرفش ليه النقابة وقفتني عن العمل رغم أني أكتر واحد من جيلي عنده شغل، لو قلت كل حاجات النقابة، كل كراسي النقابة هتتغير".

وتابع مسلم، أنه كان يحب مصطفى كامل ولكن "دلوقتي مش بيرد عليا، مش عارف ليه، ومقدرنيش." وأوضح أنه تعرض لمشكلة صحية ودخل المستشفى بسبب هذه الأزمة.

وعن زوجته يارا، قال مسلم: "من أكتر المواقف اللي عمري ما أنساها لـ يارا هي وقفتها معايا وقت ما كان عندي مكروب في الدم ودخلت المستشفى أكثر من مرة، غير أن أهلي كانوا متواجدين في بلاد تانية".

من جانبها، تحدثت يارا عن فترة الانفصال التي مرت بها مع مسلم في البداية، حيث قالت: "لما حدث انفصال بيني وبين مسلم، كنت قاصدة أكتب عندي على السوشيال ميديا كل حاجة علشان استفز الشخص اللي كان بيحسدنا".