مصطفى غريب: كانوا بيسموني عجل ستو وأنا صغير

تحدث الفنان مصطفى غريب عن بداية مشواره مع النجم أحمد مكي، مؤكدًا إنه وش الخير عليه وعلى كتير من زملائه.

وقال مصطفى غريب في تصريحات تلفزيونية: "بدايتي مع مكي كانت في مسرحية قبل الكورونا، واتعرفنا وقتها، وكان بيقعد معانا ويزود مشاهدنا، يشتغل ويمشي من غير أي كلفة".

وأضاف: "بعد الكورونا غبنا سنة ونص، وفجأة مكتب مكي كلمني لإعلان، واختاروا 3 وأنا كنت واحد منهم".

وتابع غريب: "بعدها رشحوني لدور العترة في مسلسل الكبير أوي 6، وعملت أوديشن وخدت الدور، وكان من أكبر الأدوار المكتوبة".

وعن كواليس التصوير، قال: "اشتغلت لأول مرة مع رحمة أحمد وحاتم، واللوكيشن مع مكي والأستاذ جندي كان مافيهوش تنشنة، مكي أكتر واحد كان بيتعب، وكنا بنقعد ساعات طويلة جدًا لحد ما عرفنا أسرار عن بعض".

واختتم مصطفى غريب حديثه بموقف طريف من طفولته قائلاً: "خالة أمي الله يرحمها كانت دايمًا تجيبلي شبسي وسط العيال وتدلعني، علشان كده سموني عجل ستو".