محمد سامي يهدد بمقاضاة عفاف شعيب بتهمة التشهير: سنتين تجاوز في حقي

علق الفنان محمد سامي على أزمته مع الفنانة عفاف شعيب، تزامنًا مع حكم الاستئناف برفض دعوى تعويض عفاف شعيب ضد محمد سامي.

كتب محمد سامي في منشور عبر حسابه الرسمي بموقع فيس بوك: «مدام عفاف شعيب بقالها سنتين بترفع عليا قضايا وبتخسرها، والنهاردة كانت آخر قضية وبرضه خسرتها».

تطورات أزمة محمد سامي وعفاف شعيب

وتابع: «معرفش ليه هى مصرة تقاضيني بدون وجه حق وتقول إني سيبتها وغلطت فيها في أحد البرامج التلفزيونية وده محصلش، والمحاكم حكمت إنه محصلش وبأحكام نهائية والمحاكم سببت أحكامها بأنه لم يحدث مني تجاهها أي تجاوز أو إساءة وكل الأحكام الصادرة من المحاكم الجنائية والمدنية كانت لصالحي في كل الدرجات».

واستكمل محمد سامي: «وأصلاً الحلقة اللى هي إدعت إني سبتها فيها موجودة أونلاين وأى حد يقدر يشوفها، أنا مستحيل أتجاوز في حق ست في سن أمي أو أكبر وكمان فنانة كبيرة وليها تاريخها، أنا أول مرة اقول تصريح بخصوص الموضوع ده لأني انتظرت لما الفنانة تخسر القضايا بكل درجاتها زي ما حصل وبعدين أتكلم».

تصريحات محمد سامي

واختتم: «ودلوقتي بناقش أنا والمستشار القانوني الأستاذ شعبان سعيد المحامي المفروض نعمل إيه الفترة دي بعد سنتين من التجاوز في حقي والإساءة لشخصي، إما إننا نبدأ نتخذ إجراءات قانونية ضدها بالتعويض على التشهير وإفساد السمعة أو إننا نقول عفا الله عما سلف والست والمحامي بتاعها دلوقتي فيهم اللي مكفيهم والمفروض نكبر دماغنا ومانزودش عليهم الهم ونسامحهم وناخدهم ونتعشى مع بعض بره ونعزمهم على (ريش وبيتزا).