مصطفى كامل يعاتب أنغام: بطمن عليكي مش بقولك ابعتيلي فلوس

وجه الفنان مصطفى كامل نقيب الموسيقيين عتابًا للفنانة أنغام، بسبب تجاهلها الرد عليه في أزمتها الصحية.

قال مصطفى كامل عبر تصريحات تلفزيونية: «قبل أي حاجة ألف سلامة عليها ربنا يقومها بألف سلامة ويشفيها لأبنائها وجمهورها، لكن آخر مرة أعلنت الفنانة أنغام أنها تعبانة بعتّ رسالة وقلت لها طمنيني فمردتش وللأمانة مبعتش رسائل تاني».

مصطفى كامل يعاتب أنغام

وتابع: «أنا مؤمن بدوري المؤسسي وبأن لازم أكون حبيب الكل وزميل الكل لكن مش هقعد أدور على فنان زميلي وهو مش بيرد لكن فيه حاجة اسمها تقدير».

واستكمل مصطفى كامل: «ودوري كنقيب إني اتطمن وأما تبقى زميلتي وبحبها فطبيعي لما تشوفي رسالتي تطمنيني، أنا بطمن عليكي مش بقولك ابعتيلي فلوس سلف».

تصريحات مصطفى كامل عن أنغام

وأضاف نقيب الموسيقيين رسالته لأنغام: «هي لما مردتش، للأمانة مبعتّش تاني، مبحبش على نفسي كده، خصوصًا إني كمان الفنانة دي بالنسبة لي حاجة كبيرة أوي ولطيفة في حياتي بحبها على المستوى الشخصي».

واختتم: «لو ابني أو مراتي قالي أنغام بتسأل عليك وأنا حاطط محلول وتعبان مش قادر هقول لمراتي ردي، فإنك مترديش عليا فلا مش هتصل تاني».