مطربة تتهم الفنانة وفاء مكي: عاملالي سحر وعايزة تخطف زوجي

كشف المصور الصحفي سيد شعراوي، تفاصيل خلافه مع الفنانة وفاء مكي بعد المؤتمر الصحفي الذي أقامته مؤخرا، وذلك بعد تراجع الفنانة ميار الببلاوي عن دعم الفنانة وفاء مكي رغم تصريحها السابق بأن لديها دليل براءة وفاء من تهمة تعذيب خادمتين وبعد 23 عامًا من حبسها.

وقال شعراوي، في لقاءه ببرنامج تفاصيل، تقديم المذيعة نهال طايل، والمذاع على قناة صدى البلد، إنه وقف بجانبها وساعدها في ظروفها الصعبة من أجل والدتها المريضة وابنها الصغير ، متابعا«كنت بوفر لإبنها بدلة عشان يروح حفلة، وجالها مسلسلين منهم الإمام الشافعي في شهر رمضان الماضين ورفضت الدور عشان شافت انه صغير وهي تريند فلا يتناسب معها وأنها تريد العودة بنفس قوة دور مهجة في مسلسل ذئاب الجبل».

وتابع شعراوي: «قعدت 6 أيام أفكر وفاء مكي عملت معايا كدة ليا.. ملقتش كرسي في المؤتمر اللي عملته أقعد عليه، ولقيت حد غيري بيدير أعمالها، ولو فكرت تعمل تمثال كان المفترض تعملهولي على اللي عملته معاها».

واستكمل، أن وفاء مكي أجرت عملية تكميم معدة حتى تفقد وزنها، مؤكدا أن وفاء مكي وعدته بالكثير من الوعود ولكنها لم توفي بوعودها معه، لدرجة أنها قبل المؤتمر بأيام طلبت منه عمل أغنية لها.

وأضاف: «كان كل هدفي إن وفاء مكي تقف على رجليها تاني عشان ابنها ووالدتها المريضة، وبقولها اتقي الله وخافي على عمر ابنك، وبنصحها تروح لدكتور نفسي بدل طبيب التجميل بعد الصدمات التي تعرضت لها بحياتها».

وردت المطربة كارين نوالي زوجة سيد شعراوي على قصة زوجها ووفاء مكي، قائلة: «وفاء مكي كانت عايزة شهرة على حساب بيتي ومشفتش خير في حياتي من ساعة ما دخلت بيتي والمحكمة أقرت وقضت بحبسها والدنيا واضحة، وعلاقتي بيها بدأت منذ دخولها بيتي، وعملتلي مشاكل كتير بيني وبين زوجي».

وأوضحت كارين: «عاملتلي سحر وبسببها صرفت كل اللي ورايا واللي قدامي عشان أحاول اتعالج منه ومغنيش ومقفش على رجلي تاني، وسيد كان معمي، والسحر وقف بعد انفصالي عن زوجي، وهي اللي شجعته ان العلاقة بينا تبوظ وانفصلنا بعدها مدة بسيطة ورجعنا لبعض تاني».

وتابعت نوالي: «أغانيا راكبة تريند وأنا قاعدة في البيت، وكان بقالنا فترة الدنيا مش مظبوطة بيني وبين زوجي، وكل شوية مريضة عند الدكتور، وهو مش طايق يقعد في البيت وأنا اللي سعيت للطلاق، عشان عاملالنا سحر مرشوش على باب بيتنا».

وأضافت كارين نوالي: «وفاء مكي كنت عايزة تخطف مني زوجي، وقالتلي أنا هتجوز سيد، ومكنتش حابة وجودي معاه».