منة فضالي : الفنان من حقه أوقات معينة بدون تدخل الجمهور وبيقولوا إني مغرورة

تحدثت الفنانة منة فضالي عن تعاونها مع الفنانة إيمان العاصي ضمن أحداث مسلسل جعفر العمدة، وقالت عنها: «الوحيدة اللي مختلفة عننا».

تصريحات منة فضالي

قالت منة فضالي في تصريحات تلفزيونية لها: «إيمان العاصي عمرها ما عملت شعبي، وعمرها ما عملت الست الحرباية وده بالنسبة لها جديد، وكان في منافسة بين دلال وإيمان العاصي، ومحمد سامي راهن عليها».

واستكملت: «وسيد لازم ياخد أوسكار، أما محمد رمضان متعاون جدًا مع كل طاقم العمل، وبيحب كل الناس، وبيساعد وجميل ودمه خفيف في التصوير، وتحب تتكلمي معاه ومتحدث حلو جدًا».

منة فضالي

منة فضالي مسلسل جعفر العمدة

وتابعت منة فضالي قائلة: «أنا كنت بصور مع حد محترف زيادة عن اللزوم، والناس فاكره إنه تنك ومغرور بس هو مش كده خالص، وساعات بيكون طالع يغني في الحفلة، وبيذاكر السكريبت وممكن يجي حد يقوله أتصور يقوله مش فاضي عادي، ياخده على إن هو مغرور».

وعن أزمة التتر، علقت قائلة: «تفاجئنا بالتتر، بس خلاص عدى، وماهنتش حد خالص، ومجبتش سيرة أحمد داش، وهو ممثل هايل وشاطر وكنت متخيلة إن إحنا الأربعة البنات مع بعض والتترات بتتشال في تالت يوم في رمضان، الموضوع عن الدور».

منة فضالي والجمهور

قالت الفنانة منة فضالي أيضًا: «الفنان من حقه أنه يقضي أوقات معينة بدون تدخل الجمهور وطلب التصوير معه، منها الأوقات التي يرد فيها على مكالمة هاتفية أو يذاكر دور جديد، ولازم الجمهور يدي مساحة للفنان ويعذره لو مرضيش يتصور مثلا معاه ممكن يكون وقتها معاه تليفون أو عنده شغل».

واختتمت: «أنا مثلا مينفعش أبقى قاعدة بذاكر وحد يطلب يتصور معايا، هو هيفهم إني مغرورة وبتّنك بس لأ إحنا مش كده».

حقيقة زواج منة فضالي

منة فضالي

بعد أن كشفت سرها.. منة فضالي: نفسي أتجوز وأعيش إحساس الأم

منة فضالي : كنت هعمل حادثة أول ما سمعت خبر وفاة مصطفى درويش

منة فضالي : واخدة موقف من الجواز ووالدتي كانت بتحرقني بالشمعة

منة فضالي: ماليش في السحر وحد قالي إن معمولي عمل

منة فضالي تنعي مصطفى درويش: هتوحشني يا صاحبي