منة فضالي : واخدة موقف من الجواز ووالدتي كانت بتحرقني بالشمعة

ياسمين حمادة 03 مايو 2023 | 08:49 صباحاً

تحدثت الفنانة منة فضالي عن شخصية نرجس التي قدمتها ضمن أحداث مسلسل جعفر العمدة، في رمضان 2023، بجانب شخصيتها في مسلسل سره الباتع، وردت على الانتقادات التي وجهت لها بسبب «فيلر الشفايف».

تصريحات منة فضالي

ويرصد موقع قناة صدى البلد تصريحات منة فضالي التلفزيونية التي كشفت خلالها أيضًا، أسباب عدم زواجها حتى الآن، وأسرار من حياتها الشخصية والفنية.

كان لازم نعمل شوية حاجات في شخصية نرجس لأن أستاذ محمد سامي عامل في الورق إنها بتروح عند واحدة في روكسي تعمل شفايفها والمفروض الضراير بيعملوا عليها إفيه فكانت لازمة الشفايف تبقى معمولة.

الناس في الشارع بينادوني نرجس ومبسوطة إن الشخصية علمت مع الناس، وكان أول مرة أعمل كوميدي طول الوقت بعمل دراما.

مش بحب أتفرج على أي مشهد ليا بعد الانتهاء من تصويره، وأثناء تصوير مشاهد نرجس كان محمد سامي بيضحك وبيقولي بتضحكي هو مخرج متميز وعنده أمانة وبيخاف على الممثل وبيحبه يكفيني العمل معه حتى لو لمشهد واحد.

منة فضالي

أسرار منة فضالي

دايما بنتقد نفسي وشايفة إني مبعرفش أمثل.

المخرج خالد يوسف خيرني بين دورين في مسلسل سره الباتع واخترت دور زوجة الشهيد، وقالي ده دور صغير قلت له حاسه إنه هيمس كل زوجات الشهداء اللي فقدوا أزواجهم ولديهم أطفال وحاسة إنه هيكون قريب مني.

المخرج خالد يوسف فاجئني بموعد تصوير المشهد رغم إني كنت أستعد له كل يوم، لكن قالي في يوم كنت بضحك فيه طول الوقت، وتلقيت رسائل كثيرة من زوجات الشهداء أكدن تأثرهن بالمشهد.

أنا واخدة موقف من الجواز واتعودت أبقى لوحدي ومبسوطة لأني مبحبش حد يتحكم فيا واتقدملي كام حد بس خلاص مبحبش حد يقولي أنتي خارجة وجاية أمتى، أنا ممثلة وبرجع بليل.

منة فضالي والسحر

ماليش في السحر والشعوذة ومش بقتنع بها، وزمان اتقال إني اتعملي عمل ولكن أنا مبصدقش الكلام دا، إيه التفاهة دي؟ والحسد والسحر مذكورين في القرآن، إنما الأعمال السفلية دي تفاهة.