منة فضالي: بفكر جديا في الاعتزال وممكن يكون قريب

كشفت الفنانة منة فضالي موقفها من الاعتزال، وتحدثت عن تعرضها للخيانة والنصب.

قالت منة فضالي عبر تصريحات تلفزيونية: «صعب تلاقي راجل وفي، واتخنت، وضاع من عمري سنين، وأنا يمكن كنت مغفلة وراح البيت واتنصب عليا».

وتابعت: «ولكن مكنش ينفع إني أتهان وأعنف وأسكت كده».

واستكملت منة فضالي لتكشف موقفها من الاعتزال، قائلة: «بفكر جديًا في الاعتزال وممكن يكون قريب كمان».

وتحدثت الفنانة منة فضالي عن زيحتها بالسر، وكيف تسبب ذلك في مرض والدتها.

قالت منة فضالي عبر تصريحات تلفزيونية: «اتجوزت مرة وكانت بالسر عن والدتي ومحبتوش هي حصلت بالصدفة مش هقدر أحكي تفاصيل».

وتابعت: «بس الرسالة اللي أقولها من التجربة أن متخليش حد يستغل أنك صغيرة ومعندكيش خبرة متثقيش في أي حد يقولك كلام حلو».

واستكملت منة فضالي: «هو كان أكبر مني بـ24 سنة اتجوزنا بالصدفة في يوم وليلة لقيت نفسي متجوزة هو مكانش حد وحش بس إحنا مكناش متفاهمين بسبب فرق السن والغيرة الزيادة، ووالدتي لما عرفت تعبت أوي وجالها شلل في وشها ومكانتش قادرة تتكلم بسببي لأنه صدمة بالنسبالها».

واختتمت: «لو رجع بيا الزمن واتحطيت في المواقف دي جايز جدًا أعملها تاني لأني معنديش خبرة أن حد ينصحني ومعنديش أب يقولي خلي بالك، وقتها كان سني 22 سنة وبقول لأي بنت متثقش في أي كلام يتقال أنا جاتلي كسرة كبيرة أنا ضاع من عمري سنين».