نادية الجندي تكشف سبب ابتعادها عن الفن.. ما علاقة منى زكي؟

كشفت الفنانة نادية الجندي رأيها في السينما وأسباب ابتعادها عن الفن، على هامش حضورها فعاليات مهرجان البحر الأحمر السينمائي الدولي 2024.

قالت نادية الجندي عبر تصريحات تلفزيونية، إن الفنانة منى زكي تشبهها فكريًا وتقدم فن حقيقي ولذلك يتوجب عليها وعلى الجميع دعمها في هذه الأيام التي يصعب أن نجد فيها ممثل حقيقي.

تصريحات نادية الجندي

وتابعت: «من كتر ما بقى على الساحة ناس كتير، الواحد لما بيلاقي فنان جاد ملتزم بيدعمه وبيشجعه، لازم نقف جنب الفن الجيد عشان الصناعة تنهض».

واستكملت نادية الجندي: «أنا شايفة إن منى زكي عندها حماس لشغلها واختياراتها كويسة أوي، وفنانة ملتزمة حقيقي، هي شبهي في إنها مش عاوزة تقبل إلا كل ما هو جيد، وده يُحسب لها، أنا برفض أدوار كتير أوى مع إنه خسارة عليا مادية».

نادية الجندي

سبب ابتعاد نادية الجندي عن الفن

واختتمت: «وإصراري إني مقدمش إلا كل ما هو جيد واللي يرضيني ويرضي جمهوري، ده في حد ذاته ميزة كبيرة أوي لأي فنان، السينمات مهمة، أومال إحنا بنعمل العمل ليه؟ لازم يكون في سينمات، لازم يضمن دور عرض وتوزيع وجمهور يقبل على العمل، لأن ده مكمّل للعمل، لما شوفت ندوة منى زكي لقيت طابور كبير أوي من الجمهور واقف، انبسطت أوي حسيت إن في جمهور واعي وداخل يتفرج على ندوة مش مجرد مشاهدة عمل، والندوة دليل على إن في جمهور عنده وعي فني وثقافة فنية وبيهتموا بالفن الجيد فعلاً».

منى زكي