ناهد السباعي عن مشاهدها الجريئة: أنا مقتنعة تماما بكل حاجة قدمتها

كشفت الفنانة ناهد السباعي عن تفاصيل متعلقة بحياتها الفنية والشخصية، موضحة أسباب مشاركتها في فيلم «ريد فلاج» رغم صغر مساحة دورها، كما تحدثت عن أعمالها المقبلة، ونظرتها للارتباط، وعلاقتها بوالدتها الراحلة.

وقالت خلال مداخلة هاتفية مع الإعلامية «نهال طايل» في برنامج «تفاصيل» المذاع على قناة «صدى البلد2»: « ريد فلاج مش آخر أعمالي، أنا يعني شاركت فيه بجزء بسيط جدا، أنا كنت ضيفة شرف، وطالما حاجة ناجحة إيه المشكلة أني اشتغل فيها».

وعن أعمالها المقبلة: قائلة:«بنات الباشا هيتم عرضه في شهر 11، ولغاية دلوقتي بقرأ حاجات وبنشوف، لسه ما استقرتش على حاجة»، وعن تأخر فكرة ارتباطها: «دي حاجة قسمة ونصيب وبتاعت ربنا».

وبشأن ما تردد حول اتهام أبناء العائلات الفنية بالمجاملة في الأدوار قالت: «حاجة متوقعة، وأنا مبفكرش بالطريقة دي، إحنا مبنشتغل شغلانة المعيار الأساسي فيها حب الناس، والاستمرار فيها مش علشان الناس كانت بتحب أهلي، هما توفوا، وفي الأول والآخر هو اللي بيخليكي تشتغلي تاني أو تستمري تاني إنك نجحتي وإن جمهورك بيحبك».

وعن الشبه بينها وبين والدتها، قالت: «أتمنى يكون فيا كل حاجة من ماما، دي تبقى صفة أنا أفتخر بيها لآخر يوم في عمري ».

وحول أعمالها الجريئة، قالت: «أنا مقتنعة تماما بكل حاجة قدمتها، وبشتغل في حاجات بمستوى عالي مع مخرجين كبار، فمبفكرش بالطريقة دي، أنا شخصيتي بسيطة جدا في الوسط الفني، ومش مهتمة أصلح صورتي قدام الناس».

واختتمت: «أنا علاقتي بـ آية سماحة كويسة الحمد لله ، إحنا صحاب جدًا ومن قبل ما نشتغل مع بعض بقينا صحاب، وعلاقتنا كويسة».