نور إيهاب تكشف مفاجآت فيلم الحريفة 2: «مش البنت الوحيدة»

كشفت الفنانة نور إيهاب مفاجآت فيلم الحريفة 2، والمقرر انطلاق عرضه يوم 4 ديسمبر المقبل بالسينمات.

قالت نور إيهاب عبر تصريحات إذاعية، إنها تدربت على لعب الكرة لشهور، وأحبت الأمر بشدة، خاصةً أنها كانت تحب ممارسة هذه اللعبة الشعبية منذ الطفولة.

نور إيهاب فيلم الحريفة 2

وتابعت: «مكناش نعرف إن الحريفة هيبقى له جزء تاني، الجزء التاني شخصية لانا فيه لذيذة وبحبها لكن الفرق المرة دي إنها بتلعب كورة، لأني كنت مبسوطة بالأجواء بتاعت الكورة في الجزء الأول، ولما المنتج طارق الجنايني اقترح موضوع الكورة في الجزء التاني اتحمست للموضوع أوي».

واستكملت نور إيهاب حديثها عن فيلم الحريفة 2: «اتدربت كتير وقعدت كذا شهر أتمرن كورة وكانت تجربة لذيذة، خصوصًا إني بحب الكورة بس ماكنتش لعبت كورة في حياتي، ومن بعد تمرين الكورة حسيت إن كل الحاجات اللي هشتغل فيها بعد كده مهم أتعلم حاجة فيها».

فيلم الحريفة

تصريحات نور إيهاب

وأضافت: «علاقة لانا وماجد اتطورت بشكل حلو وبقت لذيذة جدًا، وفيه أدوار كتير كانت حلوة أوي في الجزء الأول مش واخدة حقها والناس كانت نفسها تشوفها أكتر وده اتحقق في الجزء التاني وفيه ناس جديدة انضمت لنا في الجزء التاني فمابقيتش البنت الوحيدة في الفيلم، وحاسة إن الدنيا اتفتحت لكل شخصية بطريقة أفضل من الجزء الأول».

واختتمت نور إيهاب: «رمضان الجاي لسه مفيهوش حاجة أكيدة لحد دلوقتي، مفيش غير مشروع سينمائي لكن لسة شوية بعد رمضان، ونفسي لو هكون في رمضان تكون حاجة حلوة ونفسي فيها خصوصُا بعد مسلسل 6 شهور».

نور إيهاب