هفضح الكل .. فتاة الفستان : سقطت فى الكلية ومش عايزة أكمل دراسة فى مصر

قالت حبيبة طارق فتاة الفستان في بث مباشر على صفحتها على موقع التواصل الاجتماعي فيسبوك أنها رسبت في كليتها بـ جامعة طنطا وستسحب أوراقها وتقدمها في جامعة أخرى في الإسكندرية أو خارج مصر .

وكشفت فتاة الفستان أنها تعرضت للتنمر والتهديد والشتائم من داخل وخارج الجامعة بعد واقعة الفستان بالإضافة إلى قيام بعض الأشخاص بنشر الشاعات عليها وتوجيه الشتائم لها عبر مواقع التواصل الاجتماعي.

هاخد حقى بالقانون

قالت فتاة الفستان حبيبة طارق في بداية حديثها: عايزة الناس تتجمع علشان احكي اللي حصل معايا الفترة اللي فاتت عايزة احكي على التهديدات أنا سكت كتير اللى شتمني واللى قالي أن اللجان ضيقت علينا وبهدلونة بسببك واللى دخل شتمني علشان اتقفش ببرشام أنا مبهددش حد كل واحد ياخد حقه بالقانون.

هقدم على جامعة بره مصر

وتابعت فتاة الفستان: أنا سقطت في الكلية أنا أصلا مكنتش مكملة في الجامعة وكنت هسحب ورقى وأقدمه في أحسن جامعة في إسكندرية حتى لو محدش قبلني علشان ساقطة هقدم على جامعة بره مصر بس مش عايزة حد يقول أصلي هي سابت بلدها وسافرت.. أنا اتهددت في بلدي ومن ناس جوه الكلية وفي صحفية كتبت على أنى غشاشة واحالتى لمجلس تأديب كل ده شائعات طلعت ومست كرامتي كل واحد ليه سكرين شوت وهيتجاب بالقانون .

تشويه سمعتى

وأكدت فتاة الفستان حبيبة طارق: أنا اشتغلت في أكتر من شركة منها اكونت مانجر واتش ار في شركة ومكتبة إسكندرية وومحدش اشتكى منى فى الشغل خلال الفترة اللى اشتغلنا مع بعض لانى عمرى ما اذيت حد ولا حد اشتكنى منى.

وأضافت فتاة الفستان: طالما البنطلون اللى مكنش لابساه سقطنى أنا هسحب ورقى وأقدم في كلية ثانية مشيرة إلى أن هناك فتاة تدعى إيمان أخذت صورها الشخصية من صفحتها ووضعتها في جروبات وتقوم بتشويه سمعتها بالكذب.

حبيبة طارق فتاة الفستان

مش عايزة حاجة من جامعة طنطا

وصرخت فتاة الفستان خلال البث المباشر الذي قدمته: مش عايزة حاجة من جامعة طنطا أنا هاخد ورقى وامشي.. قالوا عنى أنى بثير البلبلة على السوشيال ميديا طيب طالما أنا مضايقكم اسحب ورقى واطلع الباسبور بتاعى وأسافر أمريكا على فكرة أهلي هناك موجودين في أمريكا.

بلاش تنمر

وقالت فتاة الفستان: أنا أصلا مكنتش مكملة معكم في الجامعة وكثير قالولى أن الناس مش هتسيبك في حالك حتى في يوم الامتحان فوجئت ببنت شدت شعرى

واشارت حبيبة طارق: انا عارفة انى حقى مش جاى انا مش ضعيفة انا خايفة على نفسى ده غير التنمر على اللى يقولى فين بنطلونك.. البلد انضف وأحسن مما تتخيلوا بلدنا حلوة بلاش تنمر وعنصرية احنا بنحاول نبينها ووجهت حبيبة طارق حديثها للأهالي قائلة: انتوا مش عارفين تربوا عيلكوا انتوا دمرتما أجيال.. احنا اللي أدينا مساحة للناس أنها تشتم وتهين في بعض كلامكم على السوشيال ميديا تنمر وتريقه بحجة الهزار.. أنا واثقة في القضاء وعدل ربنا أنا هكمل في شغلي عادى أنا إتش آر وتيم ليدروهمكل في شغلي

فتاة الفستان

حبيبة طارق فتاة الفستان