هل علاقة حب توكسيك تسببت في وفاة إيناس النجار؟.. شقيقتها تكشف الحقيقة

كشفت الإعلامية مروة صبري مفاجأة عن الفنانة الراحلة إيناس النجار، بطلب من شقيقتها سوار النجار، لتوضح حقيقة بعض الأمور التي تم تداولها بشكل خاطيء.

قالت مروة صبري عبر تصريحات تلفزيونية: «طلبت من سوار تعمل مداخلة لكنها في حالة نفسية سيئة جدًا وأول ما كلمتني وأنا أعزيها قالتلي أرجوكي إطلعي قولي الكلام ده عني إيناس مكنتش في علاقة توكسيك إيناس كانت بتحب راجل محترم وكانت هتتجوز بعد رمضان وبيتها كان جاهز».

مروة صبري تكشف سر إيناس النجار

واستكملت: «ياللي بتقولوا أنها كانت في علاقة بقالها 7 سنين توكسيك وهو اللي دمرها وهو اللي حطمها وسممها وهو السبب في موتها.. الكلام ده ملوش أي أساس من الصحة».

وأضافت مروة صبري: «إيناس النجار كانت بتحب راجل محترم وأنا حفاظًا على أن أختها مش حابة تقول هو مين ومش حابة تقول اسمه، والراجل دا كان واقف معاها حتى في فترة الغيبوبة وقال أنا عايز اكتب كتابي عليها».

تصريحات مروة صبري

واختتمت: «واتقال مينفعش يتكتب الكتاب وهي في غيبوبة، من كتر ما هو بيحبها وكان حاسس إن حالتها خطر ومش عايز يتخلى عنها، اللي كنتوا بتقولوا إنها كانت علاقة توكسيك».