هيسخدمها ضدك.. تحذيرات من مشاركة البيانات الشخصية مع برامج الذكاء الاصنطاعي

حذر المهندس مصطفى رحيم، خبير تكنولوجيا المعلومات والإعلام الرقمي، من الإفراط في مشاركة البيانات والمعلومات الشخصية مع تطبيقات الذكاء الاصطناعي، مؤكدا ضرورة التعامل معها بحذر، خاصة عند إدخال بيانات شديدة الخصوصية أو الاعتماد عليها في الحصول على نصائح نفسية.

وقال خلال لقائه مع الإعلامية نهاد سمير في برنامج «صباح البلد» المذاع على قناة «صدى البلد»: «شركة OpenAI،  في حد منها من كام يوم طلع وقال إفصاحات مرعبة، طلع واتكلم عن حاجات كتير مكنتش أحسن حاجة».

وأضاف: «ما أعرفش الـAI رايح فين أفضل في الأمان شوية، حتى ممكن حد ييجي يقول لي، يقول لي، أنا واحد من مليون، الـAI هيجيبني وهيعمل مش عارف إيه، ما تعرفش الناس دي ممكن يعني المحيط بتاعها، المعلومات اللي إحنا بنديها للـAI، أيا كان البرنامج اللي بنستخدمه إيه، ممكن الـAI يستخدمه ضدنا».

وقال: «كلنا مهددين أنا ليه أديه كل حاجة خليني على الحياد، مش كل حاجة أدهاله، مدلوش رقم بطاقتي، مدلوش باسبورى، مدلوش حاجات خاصة جدا بيا».

وتابع: « لو لشركة اخترقت مثلا، لو أنا واحد  من المليار، برضه أنا ليه أخلي حاجاتي كلها عليه، لازم يكون فيه حذر، خذ المعلومات اللي إنت عايزها ومتديش عن نفسك كل المعلومات اللي مش هتهم الـAI، ممكن في يوم من الأيام يستخدمها ضدك، ودي هتكون حاجة خطر جدا».

وحذر من الاعتماد على الذكاء الاصطناعي باعتباره طبيبا نفسيا أو مصدرا للنصائح الشخصية، موضحا أن طريقة تفاعل بعض أدوات الذكاء الاصطناعي قد تجعل المستخدم يشعر بأنها تفهم مشاعره.