أحمد موسى يفضح غادة نجيب ومنى الشاذلي: بيصرفوا من فين؟!

فضح الإعلامي أحمد موسى، الإخوانية التي تدعى منى الشاذلي، موضحا أنها تتلفظ هي وكل لجان التنظيم بما لا يمكن أن نقوله، فقد علمهم التنظيم الخوض في الأعراض.

وتابع خلال تقديم برنامج «على مسئوليتي»، المذاع على قناة «صدى البلد»، أن الإخوان ميتكلموش سياسة وإنما عندهم مستوى تدني ومفيش أخلاق

وأردف الإعلامي أحمد موسى، طلعت ست إخوانية لجنة من لجان التنظيم الدولي تقول هذه الألفاظ إزاي أهلها واسرتها يسمعوها، بس هي دي تربية تنظيم حسن البنا.

وتابع: «بناخد ثواب على كل شتيمة تصدر عن هذا التنظيم الإخواني، لأننا ندافع عن بلدنا والشعب المصري، ولكنهم يدافعون عن تنظيم خائن عميل».

وأوضح أن الإرهابية غادة نجيب عاملة مناحة من إمبارح زي باقي التنظيم على الكلام اللي أنا قولته أمبارح وفضحتهم فيه، طيب هي تقول مصاريفها من فين والتمويل بتاعها مصدره أيه وعايشة منين؟!.

واستكمل الإعلامي أحمد موسى، لازم الدولة تعمل إجراءاتها ويكون في أحكام ضد الناس دي اللي بتتآمر على مؤسساتنا وموجودين في أوروبا، ويتم رصد تحركاتهم واللي بيقوموا بيه.

وأكمل: «مش عارف أيه اللي حصل لهولندا اللي كانت ضد الجماعات الإرهابية، النهاردة عندهم مؤتمر هو أكبر تجمع للجماعات الإرهابية معلقًا: «تورا بورا» أوروبا.

واختتم الإعلامي أحمد موسى، متسائلا: «مين بيصرف على الكيانات الإرهابية ويدفع لهم مرتبات وتذاكر سفر، وكل اللي بيتحرك بيقبض».