«واد جدع واقتنع يقدم مشهد واحد يخوف أحمد رمزي».. رأي فريد شوقي عن دنجوان السينما المصرية

«كان يحب المظاهر وكان نجم أكثر منه ممثلًا».. هكذا تحدث فريد شوقي عن دنجوان السينما المصرية، رشدي أباظة، في لقاء نادر له.

فريد شوقي اقنع رشدي أباظة بدور شرفي

كشف الفنان فريد شوقي سرًا لأول مرة في لقاء تلفزيوني له أنه استطاع أن يقنع رشدي أباظة بتقديم دور شرفي في أحد أفلامه.

وقال فريد شوقي: «مرة طلبت من رشدي أباظة في فيلم من أحسن الأفلام اللتي اتقدمت وهو فيلم كلمة شرف، إنه يجي يعمل مشهد واحد في أخر الفيلم، لكن كان ازاي تكون البطولة ليا ولهند رستم وأحمد مظهر، وأقدر اقنع رشدي اباظة البطل الكبير إنه يبقى ضيف شرف».

وتابع فريد شوقي حديثه وقالت : «كنت عارف ازاي اقنعه قولتله يا رشدي في دور وزير، فمين اللي هيخوف أحمد مظهر ويرعش فريد شوقي غير رشدي أباظة في البلد، فرد عليا وقالي صح، قولتله هو مشهد بس هلبسك لبس لواء، وافق على طول لأنه كان بيحب الشكل أوي وأنا عرفت اصطاده من الحتة دي».

فريد شوقي يتحدث عن نجومية رشدي أباظة

وعن نجومية رشدي أباظة، قال فريد شوقي: «رشدي أباظة كانت ثقافته إنجليزية، ويتمتع باللغات انما حصلتله أزمة لكن رشدي مكنش بيندم على أي حاجة، وربنا خلقه نجم، شكلًا وموضوعًا وطبعًا النجومية يلزمها شوية مواصفات في الشكل والقبول ودي من عند ربنا، في بقى اللي يجمع بين النجومية والفن، وفي ناس بيبقوا ممثلين وبس، إنما رشدي كان نجم أكتر منه ممثل».

واختتم فريد شوقي حديثه، وقال: «بجانب إنه كان واد جدع وشهم وعلى الشاشة كانت بتبان، ومرة قال إن السينما دي ألباندا، وكان بيحب المظاهر أوي، وملامح رشدي اباظة كانت تؤهله لتقديم كل الأدوار».

قصة رفض نور الشريف البطولة أمام محمود ياسين في فيلم «سونيا والمجنون»