قصة رفض نور الشريف البطولة أمام محمود ياسين في فيلم «سونيا والمجنون»

«لو عملت الدور زي ما مكتوب في الرواية، هدمر الفيلم وهخلي الناس تضحك».. هكذا تحدث الفنان القدير الراحل نور الشريف عن دوره في فيلم 'سونيا والمجنون'، حيث أنه اختار في هذا العمل أن يجسد الدور الأصغر ورفض دور البطولة.

لماذا رفض نور الشريف دور البطولة في فيلم سونيا والمجنون؟

كشف الفنان نور الشريف في لقاء نادر له سر رفضه لدور البطولة أمام محمود ياسين في فيلم 'سونيا والمجنون'، وقال: 'في رواية في الأدب الروسي ساحرة اسمها الجريمة والعقاب، قدمتها أنا ومحمود ياسين اسمها سونيا والمجنون، وكان معنا نجلاء فتحي، وأنا اللي طلبت أقدم دور الظابط رغم انه دور صغير ووقتها أنا ومحمود كنا بنتنافس، واختارتها لأني درست الدور لأحمد زكي في المعهد وأنا دور المحقق بحبه جدًا'.

وتابع: 'حسام الدين مصطفى هو اللي انتج وأخرج الفيلم، قولتله إني عايز أعمل دور المحقق قالي ده دور صغير، قولتله عارف وأنا عايز كده، قالي بجد وكان وقتها بيصور فيلم بنت فاتن حمامة الفيلم الوحيد اللي عملته، لاقيته راح بيته في الزمالك وجاب العقد ومضاني ودفعلي عربون، وبعد ما عمل ده قالي بس انت مش الدور قولتله لأ أنا الدور'.

نور الشريف يغير في ملامح الشخصية الأساسية لفيلم سونيا والمجنون

وأضاف نور الشريف حديثه حول اختيار الدور الصغير في فيلم 'سونيا والمجنون'، وقال: 'قالي أنا بفكر أجيب ممثل كبير في السن، قولتله لأ أنا درست النص ده في المعهد ودارسه كويس أوي والظابط عنده 35 سنة فمش كبير والمفروض يكون تخين وبيبربش بعنيه، قالي أصلي مقرأتش الرواية بالكامل قولتله اقرأها كويس'.

واختتم الفنان نور الشريف حديثه، وقال: 'لما جيت أفكر في الدور وهندخل نصور بعد 3 شهور لاقيت لو عملت الدور زي ما مكتوب في الرواية، هدمر الفيلم وهخلي الناس تضحك، على مواقف مفروض يكونوا فيها مرعوبين على محمود ياسين مني، لأنه ضحية الفقر، ووقتها قررت أشيل البربشة لفيلمي أنا ومحمود مع سبق الإصرار، لأن لاقيتها طبيعية في دوري في الفيلم ده لأن البربشة لمدرس في الصعيد عندهم رمد هيكون المشهد منطقي'.

مقتنيات نور الشريف على الأرصفة.. بوسي ترد على الاتهامات ومكتبة الإسكندرية توضح موقفها

قصة مي نور الشريف مع التريند وكواليس تظهر لأول مرة عن خطوبتها من عمرو يوسف

دينا فؤاد: كنت شقية وأنا صغيرة ونور الشريف تعرض للانتقاد بسببي