وفاء عامر تنفعل بسبب شقيقتها أيتن: واثقة في نفسي واللي عنده ورقة يطلعها

تحدثت الفنانة وفاء عامر عن علاقتها بشقيقتها الفنانة أيتن عامر، قائلة: «دايمًا بتخاف من قراراتي وبتعمل لي حساب».

وتابعت وفاء عامر في تصريحات تلفزيونية لها: «أيتن عامر حريصة على إنها ترجع لي في كل حاجة لأن اللي ملوش كبير بيشتري له كبير وهي عارفة إنها هترجع لي في أي موضوع وبتاخد رأيي وكتير أوي بتقول لي أنتِ كان عندك حق».

تصريحات وفاء عامر

واستكملت: «وأحيانًا بتعاند في الأول وبعدين ترجع تقول لي أنتِ صح.. أيتن عامر مش بنتي واللي عنده ورقة يطلعها، ودي الحقيقة، واللي مش عايز يصدق هو حر، أنا واثقة في نفسي».

وقالت وفاء عامر أيضًا وهي منفعلة: «وعارفة إني مبعملش حاجة غلط، لكن ياريتها كانت بنتي وأمنية حياتي إن يكون ليا بنت».

وفاء عامر

وفاء عامر وزوجها

كما تحدثت أيضًا عن علاقتها بزوجها، قائلة: «بغسل رجل زوجي لما بيرجع من برة البيت، وهو ما بيطلبش ولكن لما ألاقيه تعبان ومحقق لي السعادة اللي نفسي فيها وعامل الحلم اللي أنا بحلم به، ورأيه صائب وما بيقبلش إن حد يجرحني ولا حد ياكل عليّ حقي ولا يدوس على كرامتي ولا حد يقلل من قيمتي.. مفيش مشكلة أغسله رجله».

ووجهت وفاء عامر نصيحة للسيدات، قائلة: «الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها.. بتوع حقوق المرأة في حاجات كتير زي الحفاظ على كرامة الست ومحدش يجرحها بكلمة ولا حد ياكل حقها ويبقوا واقفين في ضهرها وكل الأديان السماوية تحث المرأة على طاعة زوجها في حدود الأخلاق والمعاملة الطيبة، بعيدًا عن الندية والخلافات والجدال».

وفاء عامر